ಹರಹರ ವಿಶ್ವೇಶ್ವರ ಕರುಣಾಕರ ಪರಮ ಪುರುಷ ದೇವಾ ankita shanti

 ..

kruti by shantibai dasaru ಶಾಂತಿಬಾಯಿ ದಾಸರು

ಹರಹರ ವಿಶ್ವೇಶ್ವರ ಕರುಣಾಕರ

ಪರಮ ಪುರುಷ ದೇವಾ

ಚರಾಚರವ ತುಂಬಿಭರಿತವಾಗಿ

ಸ್ಮರಿಸುವ ಭಕ್ತರ ತ್ವರಿತದಿ ಪಾಲಿಪ ಪ

ಗಜಾಸುರನೆಂತೆಂಬ ದನುಜನ

ವಿಜಯನಾಗಿ ತೊಗಲನ್ನು ಪೊತ್ತೆ

ಭುಜಗ ಭೂಷಣ ನೀ ಸುಜನರ ಪಾಲಿಪ

ನಿಜಾನಂದವ ನೀವಾ ಚಿನ್ಮಯನೇ 1

ತನುಮನದೊಳಗೆಲ್ಲಾ ಹೊಳೆಯುತಲಿರ್ಪಾ

ಜನಜನಿತಳಲ್ಲಿ ಪ್ರಣವರೂಪನಾದ

ತುಂಬುತ್ತಾ ತುಳುಕುತ್ತಾ

ಘನಪರಮಾನಂದಾ ಸಚ್ಚಿದ್ರೂಪಾ 2

ಒಳಹೊರಗೆಂಬೀ ಭೇದಗಳೆಲ್ಲವ (ಹೊರಗೆ ಒಳಗೆ)

ಹರಣ ಮಾಡುತಿರ್ಪಾ

ಹರನೇ ನಾನೀನಾದ ಕಾರಣ

ಬೆರತು ನಿನ್ನೊಳು ಸ್ಮರಿಸುವೆ ಭರದಿ 3

ಚಿಂತೆಗಳೆಲ್ಲವನೀಗೆ ನಿಜಾನಂದ

ಸಂತಸಗಳನೀವಾ

ಅಂತವಿಲ್ಲದಾನಂತ ಪರಾತ್ಪರ

ಶಾಂತಿ ಪದವನೀವ ಮಹಾದೇವಾ 4

***