ಎಂಥ ಸೊಗಸು ನೋಡ ಚಿಂತಾಮಣಿಯು ಬಂದ ankita ramesha

 ..

ಎಂಥ ಸೊಗಸು ನೋಡ

ಚಿಂತಾಮಣಿಯು ಬಂದ

ಇನ್ನೆಂತಹದೆ ಮುಯ್ಯ ಹರಿಣಾಕ್ಷಿ

ಬಂದು ಎಂಥ ಸೊಗಸಿಲೆ ಕುಳಿತಾರೆ ಪ.

ಕುಂತಿ ಅರಮನೆಯೊಳು ಕಾಂತೆರುಕ್ಮಿಣಿ ಭಾವೆ

ಚಂದ್ರ ಕಾಂತಿಯಿಂದೊಪ್ಪ್ಪುತ ಕುಳಿತಾರೆ

ಕಾಂತಿಯಿಂದೊಪ್ಪುತ ಕುಳಿತಾರೆ ಪಾಂಡವರ

ಎಂಥ ಸುಕೃತವು ಫಲಿಸಿತು 1

ಛತ್ರ ಹಿಡಿದವರೆಷ್ಟು ಚಾಮರ ಬೀಸುವರೆಷ್ಟು

ನರ್ತನ ಮಾಡುವವರೆಷ್ಟು

ನರ್ತನ ಮಾಡುವವರೆಷ್ಟು ಸಭೆಯೊಳು

ಕೀರ್ತನ ಮಾಡುವವರೆಷ್ಟು 2

ಗಾಳಿ ಬೀಸುವವರೆಷ್ಟು ಬಹಳೇ ಹೊಗಳುವರೆಷ್ಟು

ಕೇಳೋ ರಾಮೇಶನ ಮಡದಿಯರ

ಕೇಳೋ ರಾಮೇಶನ ಮಡದಿಯರ ಮುಂದೆ ನಿಂತು ಹೇಳಿ ಕೊಂಬುವವರೆಷ್ಟು3

****