ವರಮಂತ್ರಾಲಯ ವಾಸಾ ನಿನ್ನ ಚರಣವ ನಂಬಿದೆನು ಸರ್ವೇಶಾ ankita narasimhavittala

 ..

'ನರಸಿಂಹವಿಠಲ' ಅಂಕಿತ by ಓರಬಾಯಿ ಲಕ್ಷ್ಮೀದೇವಮ್ಮ ಸೊಂಡೂರು 1865+ 

ವರ ಮಂತ್ರಾಲಯ ವಾಸಾ | ನಿನ್ನ ಚರಣವ

ನಂಬಿದೆನು ಸರ್ವೇಶಾ

ಕರುಣದಿಂದಲಿ ಕಾಯೊ ಯನ್ನಧೀಶಾ | ನಿನ್ನ

ಸ್ಮರಣೆಯೆ ಉಲ್ಲಾಸಾ 1

ಹೆಚ್ಚು ಬೇಡುವುದಿಲ್ಲ ನಿನ್ನಾ | ಜಗದಿರಚ್ಚು

ಮಾಡಲಿಬೇಡ ಇನ್ನಾ

ಇಚ್ಛಿಸುವೆ ಭಕ್ತಿರನ್ನಾ | ಯನಗೆ ಪ್ರತ್ಯಕ್ಷನಾಗೂಯತಿರನ್ನಾ 2

ಎಂಥೆಂಥವರನು ಪೊರೆದೇ | ಯನ್ನಂಥವರು ನಿನಗೆ ಹಿರಿದೇ

ಪಂಥದಿಂದಲಿ ನಾನಿನ್ನ ಕರದೇ | ಮನದ

ಚಿಂತೆಯನೀ ತರಿದೇ 3

ನಿನ್ನ ಮೆಚ್ಚಿಸಲೆನಗೆ ಶಕ್ತಿ | ಘನ್ನ ಮಹಿಮನೇಕೊಡು ಭಕ್ತಿ

ಇನ್ನು ಬೇಡುವುದೆಲ್ಲ ವಿರಕ್ತೀ | ಎನಗೆ

ಚೆನ್ನಾಗಿ ಪಾಲಿಸು ಮುಕ್ತೀ 4

ಪ್ರಥಮದಲಿ ಪ್ರಹ್ಲಾದನಾಗೇ | ಅಲ್ಲಿದಿತಿವಂಶದಲಿ ನೀ ಪೋಗೇ

ಹತ ಮಾಡದೆ ಅವನೀಗೇ | ಪಿತಗೆ ಸದ್ಗತಿಯಿತ್ತೆಯೋಗೀ 5

ಘೋಷಿಸಲೇ ನಿನ್ನ ವ್ಯಾಸ ಮೂರ್ತಿ | ಹದಿನಾಲಕ್ಕು

ಲೋಕದಲಿ ಪ್ರಖ್ಯಾತಿ

ಏನೆಂಧೆÉೀಳಲಿ ವಾರ್ತೀ | ರಾಶಿರಾಶಿತುಂಬಿದವು ನಿನ್ನ ಕೀರ್ತೀ 6

ಶ್ರೀರಾಘವೇಂದ್ರ ಮುನಿರಾಯಾ | ಸದ್‍ಯೋಗಿಗಳ

ಮನಸಿಗೆ ಪ್ರೀಯಾ

ಮೂಲರಾಮನಿಗೆ ನೀ ಪ್ರೀಯಾ | ಬೇಗ ಎದ್ದು

ಬಂದು ಪಿಡಿಕೈಯಾ 7

ಸತ್ಯ ಸಂಧರು ನೀವೆನಿಸೀ | ದೊಡ್ಡ ಉತ್ತರಾದಿ ಮಠದಿ ಜನಿಸೀ

ಭಕ್ತರನೆಲ್ಲಾ ಸ್ವೀಕರಿಸೀ | ಮಧ್ವಮತವನುದ್ಧರಿಸೀ 8

ಬಿದ್ದೆ ನಿನ್ನ ಪಾದಕೈಯಾ | ಎನ್ನ ವುದ್ಧಾರ ಮಾಡುಜೀಯಾ

ವಿದ್ವಾಂಸರಿಗೆ ನೀ ಘೇಯಾ | ಬೇಗ ಎದ್ದು ಬಂದು ಪಿಡಿಕಯ್ಯಾ 9

ನರಸಿಂಹ ವಿಠಲನ ಪ್ರೀಯಾ | ಕರೆಸಿದ್ದು ನೀ ಎನ್ನ ಖರೆಯಾ

ಮನಸಿನೊಳಿದ್ದದ್ದು ಅರಿಯಾ | ನಮಸ್ಕರಿಸಿ ಬೇಡುವೆನು

ಮಹರಾಯಾ 10

***