ಬೆಳಗುವ ಬನ್ನಿ ಮಂಗಳಾರತಿಯ ಹೊಳೆಯುವ ಶ್ರೀ ಗುರುಮೂರುತಿಯ ankita mahipati

 ಕಾಖಂಡಕಿ ಶ್ರೀ ಮಹಿಪತಿರಾಯರು

ಬೆಳಗುವ ಬನ್ನಿ ಮಂಗಳಾರತಿಯ ಹೊಳೆಯುವ ಶ್ರೀ ಗುರುಮೂರುತಿಯ ಪ  

ಮಂಗಳಸ್ವರದಲಾರತಿ ಮಾಡುವ ಕಂಗಳಲಿ ಕಂಡು ಸ್ವಾಮಿ ನಲಿದಾಡುವ ಸಂಗಸುಖದ ಸವಿ ಸೂರ್ಯಾಡುವ ಮಂಗಳೋಚ್ಚ್ರಾಯವ ಕೊಂಡಾಡುವ 1 

ಪಾಡುವ ಬನ್ನಿ ನಾಮಗಾಯನ ಬೇಡುವದಿದೇ ಸುಖಸಾಧನವ ನೀಡುತಲಿಹ ನಿಜನಿಧಾನವ ಪಡೆವದಿದೊಂದು ಮುಖ್ಯ ಕಾರಣ 2 

ಬಿಡದೆ ಕೊಂಡಾಡುವ ಕೀರುತಿಯ ಪೊಡವಿಯೊಳು ಪಾಂಡವ ಸಾರಥಿಯ ಮಾಡುವ ಬನ್ನಿ ಸೇವೆ ಶ್ರೀಪತಿಯ ಒಡಿಯನಹುದೆಂದು ನೀ ಮಹಿಪತಿಯ 3

***