ಭಾಮೆ ನೀ ತಂದು ತೋರೆ ದೇವ ದೇವೆನಿಸುವ ಶ್ರೀ ಹರಿ ವಾಸುದೇವನ ankita mahipati

ಭಾಮೆ ನೀ ತಂದು ತೋರೆ ದೇವ ದೇವೆನಿಸುವ ಶ್ರೀ ಹರಿ ವಾಸುದೇವನ ಪ  

ಬ್ರಹ್ಮಾದಿ ವಂದ್ಯನ ಹೊಮ್ಮುಕುಟದವನ ರಮ್ಯದೋರುವ ಜಗನ್ಮೋಹನನ ಘಮ್ಮನೆ ಹೊಳಿವ ಕತ್ತುರಿ ತಿಳಕನ ಸುಮ್ಮನೆ ಸುಸ್ವರದಿ ಕೊಳಲೂದುವನ 1 

ಹದ್ದೆ ಅಡುವನ ಮುದ್ದು ಮಾತಿನವನ ಗೆದ್ದು ಸಿದ್ದಿಯ ಮಣಿತಂದವನ ತಿದ್ದಿ ಕುಬಜಿಗೊಲಿದು ಶುದ್ಧಮಾಡಿದವನ ಉದ್ಧವಪ್ರಿಯ ಶ್ರೀ ಆದಿಕೇಶವನ 2 

ಸುಂದರ ವದನನ ಸಾಂದ್ರಸುಖದವನ ಕಂದರ್ಪಕೋಟಿ ಸುಲಾವಣ್ಯನ ಇಂದಿರೆ ರಮಣನ ಬಂದು ಮಹಿಪತಿ ಮನೋಹರ ಮಾಡುವನ3

****