ಸಾಧನದ ಚಿಂತೆ ಎನಗ್ಯಾಕೊ ಹರಿಯೇ ankita kalimardhanakrishna

ಸಾಧನದ ಚಿಂತೆ ಎನಗ್ಯಾಕೊ ಹರಿಯೇ ಪ.

ಮಾಧವಾ ನೀಯನ್ನಾ ಮನಸಿಲಿದ್ದು ಮಾಡಿಸುವಿ ಧೊರಿಯೇ ಅ.ಪ.

ಹಿಂದೇಸು ಜನ್ಮಗಳು ಬಂದು ಪೋದವು

ಒಂದು ತೃಣವಾದರೂ ನಾ ಗಳಿಸಲಿಲ್ಲ

ಮುಂದಿನ ಗತಿಯು ತಿಳಿಯದು

ಬಿಂದು ಮಾಧವಾ ಯಾದವಾ 1

ನಿನ್ನ ಹೊರತು ಎನಗೆ ಮನ್ನಿಸುವರು ಯಾರೋ

ಬೇರೆ ಗತಿ ಕಾಣೆ ಪುಸಿಯಲ್ಲಿ ಯನ್ನಾಣೆ

ಪಾದಸ್ಮರಣೆ ಮಾಡಿಸುವ ಬಾರಾ

ಉದಾರ ಭಕ್ತರಾಧಾರಾ 2

ಯೆಷ್ಟು ಪೊಗಳಿದರು ನಿನ್ನ ಕರುಣಕೆ

ಇನ್ನು ಕೇಡು ಉಂಟೇ ಸ್ವಾಮಿ

ದಯಾ ದೃಷ್ಟಿಯಿಂದಲಿ ನೋಡು ಪ್ರೇಮಿ

ದುಷ್ಟ ಅಘರಾಶಿ ದೂರ ಮಾಡೋ

ಕಣ್ತೆರೆದು ನೋಡೋ ಕಾಳಿಮರ್ಧನ

ಕೃಷ್ಣನೆ ಮಧ್ವಮುನಿ ಪ್ರಿಯನೆ 3

****