ಕೊಡು ಕೊಡು ಕೊಡೋ ವರವಾ ತಡವ್ಯಾಕೋ ankita gurujagannatha vittala KODU KODU KODO VARAVAA TADAVYAAKO

 

ಕೊಡು ಕೊಡು ಕೊಡೋ ವರವಾ

ತಡವ್ಯಾಕೋ ದೇವಾ ನೀ ಪ

ಒಡೆಯ ನಿನ್ನಯ ಯುಗ

ಅಡಿಗಳ ಭಜಿಸುವೋ ಸು

ಧೃಢ ಭಕುತಿ ಜ್ಞಾನವನ್ನು

ತಡೆಯದೆ ಎನಗೆ ನೀ ಅ.ಪ

ಪೊಡವಿ ಪಾಲಕ ನೀನೆಂದು

ಭಿಡೆಯವನ್ನು ನಾ ಮಾಡೆ

ಕಡಲಶಯನ ಸುಮ್ಮನೆ

ಮಡದಿಸಹಿತಾಗಿ ನೀ 1

ಜಡಜಲೋಚನ ದೇವಾ

ಹುಡಗ ನೀನೆಂದು ನಾ

ನುಡಿದ ಮಾತುಗಳ ನಿ

ನ್ನೊಡಲೊಳಗಿಡದೆ ನೀ 2

ಚಟುಲಗುರು ಜಗನ್ನಾಥಾ

ವಿಠಲ ನಿನ್ನ ನಾ ಕÀರಾ

ಪುಟದಿ ಬೇಡುವೆ ಮಮ ಹೃ

ತ್ಪುಟದಿ ತೋರುವೆನಿಂದು ನೀ 3

***