ಕೋಲು ಕೋಲೆನ್ನಿ ಕೋಲೆ ಕೋಲೆ ಕೋಲೆನ್ನಿ ಮುತ್ತಿನ ankita bheemesha krishna

ಕೋಲು ಕೋಲೆನ್ನಿ ಕೋಲೆ ಕೋಲೆ ಕೋಲೆನ್ನಿ ಮುತ್ತಿನ

ಕೋಲನ್ಹೊಯ್ದು ಪಾಡಿರಮ್ಮ ಜಾಣ ರಂಗಗೆ 1

ನೀರೊಳಾಡಿ ನಿಗಮ ತಂದ ಶೂರನ್ಯಾರೆ ರುಕ್ಮಿಣಿ

ಮೀನರೂಪ ಧರಿಸಿದ್ವಾರಿಜಾಕ್ಷ ಭಾಮಿನಿ 2

ಸಿಂಧುಮಥನಕಾಲಕೆ ಮಂದರ ಪೊತ್ತವನ್ಯಾರೆ ರುಕ್ಮಿಣಿ

ತಂದು ಸುಧೆಯ ಸುರರಿಗೆರೆದ ಕೂರ್ಮ(ಅ)ವ ಭಾಮಿನಿ 3

ಆದಿದೈತ್ಯನಂಗ ಸೀಳಿದವನು ದಾರೆ ರುಕ್ಮಿಣಿ

ಕಾದು ಭೂಮಿ ಸಾಧಿಸಿ ತಂದ ವರಾಹ ಭಾಮಿನಿ 4

ತಂದೆ ಕೊಂದು ಕಂದನ ಸಲಹಿದವನದಾರೆ ರುಕ್ಮಿಣಿ

ಕಂದರಾಕ್ಹಾಕಿದ ಕರುಳ ನಾರಸಿಂಹ ಭಾಮಿನಿ 5

ಇಳೆಯ ದಾನ ಬೇಡಿದಂಥ ತರಳನ್ಯಾರೆ ರುಕ್ಮಿಣಿ

ಅಳೆದÀು ಭೂಮಿ ತುಳಿದ ಬಲಿಯ ವಾಮನ ಭಾಮಿನಿ 6

ಕ್ಷತ್ರ್ರೇರ್ಹತವ ಮಾಡಿದ ಸಮರ್ಥನ್ಯಾರೆ ರುಕ್ಮಿಣಿ

ಹೆತ್ತ ತಾಯಿ ಕಡಿದ ಶೂರ ಭಾರ್ಗವ ಭಾಮಿನಿ 7

ಸೇತುಗಟ್ಟಿ ಸೀತೆಯ ತಂದಾತನ್ಯಾರೆ ರುಕ್ಮಿಣಿ

ವಾತಸುತನಿಗೊಲಿದ ಶ್ರೀರಘುನಾಥ ಭಾಮಿನಿ 8

ಕÀಳ್ಳತನದಿ ಕಡೆದ ಬೆಣ್ಣೆ ಕದ್ದವನ್ಯಾರೆ ರುಕ್ಮಿಣಿ

ಗೊಲ್ಲರೊಡೆಯ ಗೋವ್ಗÀಳ ಕಾಯ್ದ ಕೃಷ್ಣ ಭಾಮಿನಿ 9

ವಸನ ಬಿಟ್ಟು ನಾಚಿಕಿಲ್ಲದ ಪುರುಷನ್ಯಾರೆ ರುಕ್ಮಿಣಿ

ಅಸುರರ್ವೈರಿ ಆದಿಪುರುಷ ಬೌದ್ಧ ಭಾಮಿನಿ 10

ಕುದುರೆನೇರಿ ಎದುರು ಬರುವ ಚೆದುರನ್ಯಾರೆ ರುಕ್ಮಿಣಿ

ಮದನಮೂರುತಿ ಮುದ್ದು ಭೀಮೇಶಕೃಷ್ಣ ಭಾಮಿನಿ11

****