ರಘುರಾಮಗೆ ಬೆಳಗಿರೆ ಬೇಗ ಆರತಿ ankita srinivasa

 ರಾಗ - : ತಾಳ -

ರಘುರಾಮಗೆ ಬೆಳಗಿರೆ ಬೇಗ ಆರತಿ ll ಪ ll

ದಶರಥಪುತ್ರಗೆ ಪಶುಪತಿ ಮಿತ್ರಗೆ

ಋಷಿಗಳ್ಯಾಗವ ಕಾಯ್ದವಗೆ

ಶಶಿಮುಖಿ ಅಹಲ್ಯೆ ಶಾಪವ ಕಳೆದ

ಅತುಳ ಮಹಿಮ ಶ್ರೀಹರಿಗೆ ll 1 ll

ಶಿವನ ಧನುವ ಮುರಿದವನಿಜೆಯಳ ತಂದು

ಜವದಿ ಪರಶುರಾಮನಿಗೆ

ತವಕದಿ ಗರ್ವವ ಮುರಿದವನೀಶಗೆ

ಕಮಲಾಕ್ಷಿಯರೀಗ ಬೇಗ ll 2 ll

ಅನುಜನವಡಗೂಡಿ ವನಿತೆ ಸಹಿತಲೀ

ವನಕೆ ಪೊರಟು ಅಂಜನೆಯ 

ತನುಜನಗೂಡಿ ದನುಜನ ಮುರಿದ

ಘನದ ಶ್ರೀ ಶ್ರೀನಿವಾಸಗೆ ll 3 ll

***