ರಾಗ : ಕಾಂಬೋಧಿ ತಾಳ : ಝಂಪೆ
ವಾಗೀಶತೀರ್ಥರ ನೀ ಭಜಿಸೋ
ಸಂತತ ಸುಖಿಸೋ ।। ಪಲ್ಲವಿ ।।
ಭೋಗಾದಿ ಬಿಡಿಸಿ
ಭಾಗ್ವತರ್ಕೂಡಿಸಿ ।
ಯೋಗಾದಿ ತಿಳಿಸುವ
ಯೋಗಿವರೇಣ್ಯ ।। ಅ. ಪ ।।
ಶ್ರೀ ಗುರು ಕವೀಂದ್ರರ
ಕರ ದಿವ್ಯ ಸಂಜಾತ ।
ಜಗದೊಳು ರಾರಾ-
ಜಿಸುವ ಯತಿನಾಥ ।
ಸೊಗಸಾದ ಮಧ್ವರ
ನಿಗಮವತಾವ್ಹೋದಿ ।
ಹಗರಣ ದುರ್ಮತ
ವಾದದಿ ಗೆದ್ದಂಥ ।। ಚರಣ ।।
ವ್ಯಾಸರ ರಚಿತ
ಶ್ರೀ ಬ್ರಹ್ಮಸೂತ್ರವಾ ।
ಭಾಷ್ಯ ಗೀತಾದಿ
ಸುಧಾ ಪಾಠವಾ ।
ರಾಶಿ ಶಿಷ್ಯರಿಗೆ
ಬೋಧಿಸಿ । ಶ್ರೀ ಮೂಲ ।
ದಾಶರಥಿಯ ಪದ ತೋಷದಿ
ತುತಿಸಿದ ।। ಚರಣ ।।
ಪದ ವ್ಯಾಖ್ಯಾನಗಳಲ್ಲಿ ಕುಶಲರು ।
ಮುದದಿಂದ ಲಕುಮೀಶನ್ನ ಧ್ಯಾನಿಪರು ।
ಕುಧರನ ಜಾತೆಯ ನಡು ಗಡ್ಡೆಯಲಿ ।
ತದಿಯ ಚೈತ್ರ ವದ್ಯ ವೃಂದಾವನ ಸೇರ್ದೆ ।। ಚರಣ ।।
****
No comments:
Post a Comment