ಬಾ ಬಾರೋ ಬಾಲಕೃಷ್ಣ ಬಾರೆಂದು ಕರೆವೆ ನಿನ್ನಾ
ಬಾ ಬಾರೋ ಬಾಲಕೃಷ್ಣ।।
ಗೊಲ್ಲಾರ ಮನೆಯ ಪೊಕ್ಕು ಚಲ್ಲಿದ ಬೆಣ್ಣೆ ಮೊಸರ ।
ಕಳ್ಳತನವ ಮಾಡಿದಾ ಬಾರಯ್ಯ ಚೋರ ಕೃಷ್ಣ ।।
ನಾರೀಯರೆಲ್ಲ ಸೇರಿ ನೀರಾಟವಾಡುತಿರಲು ।
ಸೀರೆಗಳನ್ನೆ ಕದ್ದು ಮರವನ್ನೆ ಏರಿದ ಕೃಷ್ಣ ।।
ಕಾಳಿಯ ಮಾಡುವ ಧುಮುಕಿ ಕಾಲಲ್ಲಿ ನೀರ ಕಲಕಿ ।ಕಾಳಿಂಗನ್ಹೆಡೆಯ ತುಳಿದಾ ಕಾಳಿಂಗಮಥನ ಕೃಷ್ಣ ।।
ನಂದಾನಕಂದ ಬಾರೋ ನವನೀತ ಚೋರ ಬಾರೋ ।
ಆನಂದ ಕಂದ ಬಾರೋ ಉಡುಪಿಯ ಕೃಷ್ಣ ಬಾರೋ ।।
***
No comments:
Post a Comment