ಹಿರಿಯ ವಡೆಯನಲ್ಲವೆ ನಮ್ಮ ರಂಗಾ ankita muddu vittala

 ಹಿರಿಯ ವಡೆಯನಲ್ಲವೆ ನಮ್ಮ ರಂಗಾ l

ಹಿರಿಯ ವಡೆಯನಲ್ಲವೆ ನಮ್ಮ ರಂಗಾ l

ಸಿರಿಬೊಮ್ಮ ಶಿವರಿಂದ ಪೂಜೆಯಗೊಂಬುವಾ ll ಪ ll

ಪ್ರಳಯದೊಳು ಪ್ರಣವ ಪ್ರತಿಪಾದ್ಯ l

ಮಲಗಿರೆ ಮಹಾಕಾಂತಿ ಪೊಗಳೆ ll

ಹಲವು ಜೀವರ ಕರ್ಮ ಫಲ ನೇಮಿಸಿಕೊಂಡು l

ಜಲಜಲೋಚನ ಶ್ರೀ ಬಿನ್ನಹ ಕೈಕೊಂಬೆ ll 1 ll

ತಮನೆಂಬ ದೈತ್ಯನು ವೇದ ಕದ್ದೊಯ್ಯಲು l

ಸುಮನಸರು ಸಾರಿ ತುತಿಸಿ ಕೇಳೆ l

ಕಮಲಾಪತಿ ದೈತ್ಯನ್ನ ಕೊಂದು ವೇದವ l

ಕಮಲೋದ್ಭವಗಿತ್ತು ಕಾಯ್ದಿದ್ದ ಕಾರಣ ll 2 ll

ಕ್ಷುದ್ರ ದೈತ್ಯನಿಗೆ ರುದ್ರವರವನಿತ್ತು l

ಪದ್ರವದಿ ಬಳಲುತ ಓಡ್ಯಾಡೆ l

ಭದ್ರ ಮುರಾರೇ ಮುದ್ದುವಿಟ್ಠಲಾ ದೈತ್ಯನ್ನ l

ಛಿದ್ರಿಸಿ ರುದ್ರನ್ನ ಸಲಹಿದ ಕಾರಣ ll 3 ll

***