RSS song
ಯುವಮನದೊಳಿಂದು ಸೀಮೋಲ್ಲಂಘನದ ತವಕ
ದುರುಳರೆದೆಯಲಿ ನಡುಕ ಧರೆಗೆ ಪುಳಕ
ನಿಲ್ಲದೀ ಅಭಿಸರಣ ಗೆಲ್ಲುವನಕ
ಪರಮವೈಭವ ತಾಯ್ಗೆ ಸಲ್ಲುವನಕ ||ಪ||
ಪ್ರಾಚೀನ ಸಂಸ್ಕೃತಿಯ ನವನವೋನ್ಮೇಷದಲಿ
ಕರಕಗುತಿದೆ ಕೀಳರಿಮೆ ಸ್ವಾರ್ಥ ಮೋಹ
ಹಿಂದುತ್ವದೊಸಗೆಯಲಿ ಬಂಧುತ್ವ ಬೆಸುಗೆಯಲಿ
ದೀಪ್ತಗೊಳುತಿದೆ ಮನದಿ ರಾಷ್ಟ್ರಭಾವ ||೧||
ಬಾಹುಬಲ ಧೀಃಶಕ್ತಿ ಸಿರಿಸಮೃದ್ಧಿಗೆ ರಕ್ಷೆ
ಸಜ್ಜನರ ಶ್ರೀರಕ್ಷೆ ಸಂಘಶಕ್ತಿ
ಬರಿ ದಿಧೀವಿಷೆಯಲ್ಲ ಹಿಂದು ಸತ್ವೋನ್ನತಿಯು
ಜಗಕೆ ಮಂಗಳವೀವ ಪುಣ್ಯಕೀರ್ತಿ ||೨||
ಚರಿತೆದಿಶೆ ಹೊರಳುತಿದೆ ಸುಮುಹೂರ್ತ ಸಮನಿಸಿದೆ
ತಾಯಿ ಭಾರತಿಗಿಂದು ಲಕ್ಷಾರ್ಚನೆ
ಬೆವರು ನೆತ್ತರು ಹರಿಸಿ ಜೀವಭಾವವ ಬೆರೆಸಿ
ಧ್ಯೇಯ ಸಿಂಚಿತ ಹೃದಯ ಪುಷ್ಪಾರ್ಚನೆ ||೩||
***
No comments:
Post a Comment