ಚಂದಿರ ಉದಯವಾಯಿತೇ ಕೃಷ್ಣಾರ್ಯರೆಂಬೋ ankita indiresha CHANDIRA UDAYAVAAYITE KRISHNARYAREMBO APPAVARA STUTIH

Audio by Mrs. Nandini Sripad

ಹರಪನಹಳ್ಳಿ ಶ್ರೀ ರಾಮಾಚಾರ್ಯ ದಾಸರ ಕೃತಿ 
 ( ಇಂದಿರೇಶ ಅಂಕಿತ ) 

ರಾಗ ಭೂಪಾಳಿ        ಖಂಡಛಾಪುತಾಳ 

ಚಂದಿರ ಉದಯವಾಯಿತೇ ಕೃಷ್ಣಾರ್ಯರೆಂಬೋ ॥ ಪ ॥
ಚಂದಿರನುದಿಸಿದ ತನ್ನಯ 
ಸುಂದರಿ ಸೂರಿಗಳ ಸುಕೃತ ।
ಬಿಂದ್ಯವೆಂಬೋ ಉದಯಾಚಲದ 
ಕಂದರದಿಂ ಕುಣಿದು ಬಂದು ॥ ಅ ಪ ॥

ಮಂಗಳಾಂಗ ಮನುಜರ ದುರಿ -
ತಂಗಳೊಳು ಗಾಢ ತಿಮಿರ ।
ಭಂಗಗೈದು ಸುಜನರ ಬೆಳ -
ದಿಂಗಳು ಸೂರಾಡುವಂಥ ॥ 1 ॥

ರಾಜಿಸುವನು ಕುಜನರ ಮುಖಾಂ -
ಬುಜಗಳನೆ ಬಳಲಿ ಸೋಮ ।
ತೇಜ ಸುಜನರೆಂಬೋ ಕುಮುದ -
ರಾಜಿಗಳ ವಿಕಾಸಗೈವ ॥ 2 ॥

 ಇಂದಿರೇಶನೆ ಪರದೈವ -
ವೆಂದು ಜಗಕೆ ಸಾರುತಿರಲು , ಆ - ।
ನಂದತೀರ್ಥರ ಮತವೆಂಬೋ 
ಸಿಂಧುರಾಜ ವರ್ಧಿಸಿದನ ॥ 3 ॥
******