ಕೇಳೆ ಗೋಪಿ ಎನ್ನಕೂಡೆ ಈ ಕೃಷ್ಣ ಆಡುವ ಮಾತುಗಳ purandara vittala

ರಾಗ ಸೌರಾಷ್ಟ್ರ ಆದಿತಾಳ

ಕೇಳೆ ಗೋಪಿ ಎನ್ನಕೂಡೆ ಈ ಕೃಷ್ಣ ಆಡುವ ಮಾತುಗಳ ||ಪ||

ಸೂಳೆಗಾರನಂತೆ ವೀಳ್ಯವ ಕೊಟ್ಟು ವೇಳೆವೇಳೆಗೆ ಬರಹೇಳಿದ ||ಅ||

ಪುಟ್ಟಪುಟ್ಟ ಕೈಯ ಗಟ್ಟಿ ಬೆಣ್ಣೆಯ ಮುದ್ದೆ ಎಷ್ಟು ಬೇಕೆಂದರೆ
ಬಟ್ಟ ಕುಚಂಗಳ ಕೈಲಿ ಪಿಡಿದು ಇದರಷ್ಟು ಬೇಕೆಂದನೆ ||

ಚಿಕ್ಕವನೆಂದು ತರ್ಕಿಸಿಕೊಂಡರೆ ಪಕ್ಕಗಳೆರಡು ಬಿಟ್ಟು
ಹೊಕ್ಕುಳ ಕೆಳಗೆ ಬಿಕ್ಕಿಲಿ ಗಿಲಿಪ್ಪ ಮಕ್ಕಳೆಲ್ಲಾದರುಂಟೆ ||

ಬಾಲಕನೆಂದು ಲಾಲಿಸಿ ಕರೆದರೆ ಲೋಲಾಡುತಲಿ ನಿಂತು
ಹಾಲುತುಪ್ಪವ ಕುಡಿದು ಸೀರೆಗೆ ಒರೆಸಿ ಮೂಲೆಗೆ ಕೈ ಚಾಚಿದ ||

ಎಲ್ಲ ಬೆಣ್ಣೆಯ ಮೆದ್ದು ನಮಗಿಷ್ಟು ಕೊಡೆಂದರೆ ನಿಲ್ಲುನಿಲ್ಲೆಂದು
ಎಲ್ಲ ಬೆಣ್ಣೆಯ ಮೆದ್ದು ಚೆನ್ನಾಗಿ ಬುಲ್ಲಿಯ ತೋರಿದ ||

ಉಡಿಯ ಸೀರೆಯ ಬಿಚ್ಚಿ ದಡದ ಮೇಲಿಟ್ಟು ಮಡುವಿನೊಳು ಮೈತೊಳೆಯೆ
ತಡವಾಯಿತೆಂದು ಉಟ್ಟ ಸೀರೆಯ ಕೊಂಡು ಕಡಹದ ಮರನೇರಿದ ||

ಬತ್ತಲಾಗಿದ್ದೆವು ಹಸ್ತವ ಮುಚ್ಚಿದೆವು , ಇತ್ತ ನೀ ನೋಡದಿರೊ
ಹತ್ತಿಲಿ ಬಂದು ಹಸ್ತವ ಮುಗಿದರೆ ವಸ್ತ್ರವ ಕೊಡುವೆನೆಂದ ||

ಗಾಡಿಗಾರ ರಂಗ ಗೋಡೆಯ ದಾಟಿ ಬಂದು ಆಡುತಲೆ ನಿಂತನೆ
ಮಾಡಬಾರದ ಕೆಲಸ ಮಾಡಿ ಪುರಂದರವಿಠಲರಾಯ ಓಡಿ ಹೋದನೆ ||
***

pallavi

kELE gOpi enna kUDe I krSNa Aduva mAtugaLa

anupallavi

suLegAranante vILyava koTTu vELe vELege bara hELida

caraNam 1

puTTa puTTa kaiya gaTTi beNNeya mudde eSTu bEkendare

baTTa kucangaLa muTTi kaili piDidu ida raSTu bEkendane

caraNam 2

cikkavanendu tarkisi koNdare pakkagaLeraDu biTTu

hokkuLa keLage bikkili gilippa makkaLellAdaruNTe

caraNam 3

bAlakanendu lAlisi karedare lOlADutali nintu

hAlu tuppava kuDidu sIrege oresi mUlege kai cAcida

caraNam 4

ella beNNeya meddu namagiSTu koDendare nillu

nillendu ella beNNeya meddu cennAgi bulliya tOrida

caraNam 5

Udiya sIreya bicci daDada mEliTTu maDuvinoLu maidoLeya

taDavAyitendu uTTa sIreya koNDu kaDahada maranErida

caraNam 6

battalAgiddEvu hastava muccidevu itta nI nODadiro

hattili banderaDu hastava mugidare vastrava koDuvenenda

caraNam 7

gADigAra ranga gOdeya dADi bandu Adutale nintane

mADa bArada kelasa mADi purandara viTTalarAya ODihOdane

***