ಈ ಮಹಿಯೊಳಗೆ ಗುರುಗಳೆನಿಪರೆಲ್ಲ purandara vittala

ರಾಗ ಮುಖಾರಿ ಝಂಪೆತಾಳ 

ಈ ಮಹಿಯೊಳಗೆ ಗುರುಗಳೆನಿಪರೆಲ್ಲ ,ನಮ್ಮ
ಶ್ರೀ ಮದಾಚಾರ್ಯ ಗುರುಶಿಖರಮಣಿಗೆ ಸರಿಯೆ ||ಪ||

ಈಯಖಿಲಜಗದೊಡೆಯ ಎಂಟು ಗುಣ ಶ್ರುತಿ ಪೌರು-
ಷೇಯ ಎಂಬೀ ಕುಶಾಸ್ತ್ರಿಗಳೆಲ್ಲರು
ಶ್ರೀಯರಸ ಪೂರ್ಣಗುಣ ಶ್ರುತಿ ನಿತ್ಯವೆಂಬ ಸ-
ನ್ನ್ಯಾಯರತ್ನಾಕರಾನಂದತೀರ್ಥರಿಗೆಣೆಯೆ ||

ದೈವವಿಲ್ಲವು ವಿಶ್ವ ಜೀವ ಕರ್ತೃಕವೆಂಬ
ದೈವಹೀನರು ದುರ್ಮತದ ಗುರುಗಳ
ದೈವವುಂಟು ಜಗಕೆ ಕರ್ತೃವೆಂಬ ಪ್ರಮಾ-
ಣಾವಳಿಯೊಳರಸ ಪೂರ್ಣಪ್ರಜ್ಞರಿಗೆಣೆಯೆ ||

ಜ್ಞಾನಕೊಂದೊಂದೆರಡು ಶಾಸ್ತ್ರವ ರಚಿಸಿ ಭ್ರಮದ
ಜ್ಞಾನದಿಂದಲಿ ಹೀನಮನುಜರೆಲ್ಲ
ನಾನಾ ನಿಗಮಶಾಸ್ತ್ರನವ್ಯಜಲರುಹ ಚಂಡ-
ಭಾನುವೆನಿಸಿದ ದಶಪ್ರಮತಿಗುರುಗಳಿಗೆಣೆಯೆ ||

ಗುರುಗಳೆನಿಸಿಕೊಂಬ ಭರದಲನ್ಯೋನ್ಯ ಮ-
ತ್ಸರದ ಶಾಸ್ತ್ರ ವಿರಚಿಪ ಸಡಗರೆಲ್ಲ
ಗುರುಪುರಂದರವಿಠಲ ಪರಿತುಷ್ಟಿಗಾಗಿ ಸುಜ-
ನರ ಪೊರೆವ ಗುರು ನಂದತೀರ್ಥರಿಗೆಣೆಯೆ ||
***

pallavi

I mahiyoLage gurugaLaniparella namma shrImadAchArya guru shikhAmaNige sariye I mahiyoLage gurugaLeniparella

caraNam 1

I yakhila jagadoDeya eNTu guNa shruti pauruSEya embI kushAstrigaLellaru

shrIyarasa pUrNa guNa shruti nityavemba sa-nyAya ratnAkarAnanda tIrttarigeNeya

caraNam 2

daivavillavu vishva jIva kartrukavemba daiva hInaru durmatada gurugaLa

daivavuNDu jagake kartruvemba pramANAvaLiyoLa rasa pUrNa prajnarigeNeya

caraNam 3

vEda vEdArta husi viSNu tAnemba durvAdigaLu tamma durvaLaru kUDi

vEda samasta nitya viSNu paravendoreva vaidikAcArya pUrNa prajnarigeNeya

caraNam 4

jnAnakondonderaDu shAstrava racisi bhramata jnAnadindali hIna manujarella

nAnA nigama shAstranavya jalaruha caNDa bhAnuvenisida dasha pramati gurugaLIgeNeya

caraNam 5

gurugaLenisi komba bharatalanyOnya matsarada shAstra viracipa saDagarella

guru purandara viTTala parituSTigAgi sujanara poreva guru Ananda tIrttageNeya

***