ಎನಗೊಂದು ಮಾತು ಹೇಳದೆ ಹೋದೆ ಹಂಸ purandara vittala

ರಾಗ ಶೋಕ ಪಂತುವರಾಳಿ. ಛಾಪು ತಾಳ

ಎನಗೊಂದು ಮಾತು ಹೇಳದೆ ಹೋದೆ ಹಂಸ ||ಪ||
ತನುವಿನೊಳಗೆ ಅನುದಿನವಿದ್ದು ||ಅ||

ಜ್ವಾಲಾಧರವೆಂಬೊ ಮಾಳಿಗೆ ಮನೆಯಲ್ಲಿ
ಈಹೋದು ಒಂಭತ್ತು ಬಾಗಿಲ
ಗಾಳಿ ಬಂದು ಕುಟ್ಟಿ ಎಲೆ ಹಾರಿ ಹೋಗುವಾಗ
ಬೇರಿಗೆ ಹೇಳಿ ಹೋಯಿತೆ ಒಂದು ಮಾತ ||

ಏರಿಯು ನೀರ ತಡಕೊಂಡಿದ್ದಂತೆ
ನಾ ನಿನ್ನ ತಡಕೊಂಡಿದ್ದೆನಲ್ಲ
ಭೋರೆಂದು ಮಳೆಯು ಹರಿದೆದ್ದು ಹೋಗುವಾಗ
ಏರಿಗ್ಹೇಳಿ ಹೋಯಿತೆ ಒಂದು ಮಾತ ||

ನಾನಾ ಬೆಟ್ಟಗಳಲ್ಲಿ ಇಟ್ಟಾಣಿ ಫಣಿಯಲ್ಲಿ
ಇಕ್ಕಿತು ಜೇನು ತನ್ನ ಸುಖಕಾಗಿ
ಜೇನು ತುಪ್ಪವನುಂಡು ನೊಣ ಹಾರಿ ಹೋಗುವಾಗ
ಹಿಪ್ಪೆಗ್ಹೇಳಿ ಹೋಯಿದೆ ಒಂದು ಮಾತ ||

ರಸಭಾರತ ಕೋಟಿ ಹಂಸ ತಾನೊಡಗೂಡಿ
ಪೆಸರು ಪೇಳುವನೊ ಅನುದಿನವು
ರಸ ಭೋಜನವುಂಡು ಜ್ಯೋತಿ ತಾ ಹೋಗುವಾಗ
ಪ್ರಣತಿಗ್ಹೇಳಿ ಹೋಯಿತೆ ಒಂದು ಮಾತ ||

ಸರ್ಪಶಯನನಾಡಿದ ಮಾತು ಹುಸಿಯಲ್ಲ
ಫಣಿಯಕ್ಷರದ ಮೇಲೆ ಕೊಡಲಿಲ್ಲ
ಚಪ್ಪಾಣಿ ಮುತ್ತು ಬಾಯಿ ಬಿಚ್ಚಿ ಹೋಗುವಾಗ
ದುಃಖ ಬೇಡ ಪುರಂದರವಿಠಲ ||
***

pallavi

enegondu mAtu hELade hOde hamsa

anupallavi

tanuvinoLage anudinaviddu

caraNam 1

jvAlAdharavembo mALige maneyalli I hOdu ombattu bAgila

kALi bandu kuTTi ele hAri hOguvAga bErige hELi hOyite ondu mAta

caraNam 2

Eriyu nIra koNDiddante nA ninna taDakoNDiddenalla

bhOrendu maLeyu harideddu hOguvAga ErighELi hOyite ondu mAta

caraNam 3

nAnA beTTagaLalli iTTANi phaNiyalli ikkitu jEnu tanna sukhakAgi

jEnu tuppavanuNdu noNa hAri hOguvAga hippeghELi hOyide ondu mAta

caraNam 4

rasa bhArata kOTi hamsa tAnoDe gUDi pesaru pELuvano anudinavu

rasa bhOjanavuNDu jyOti tA hOguvAga praNatighELi hOyite ondu mAta

caraNam 5

sarpa shayananADida mAtu husiyalla phaNiyakSarada mEle koDalilla

cappANi muttu bAyi bicci hOguvAga dukkha bEDa purandara viTTala

***