ಒಪ್ಪುವ ಮಾನಿಸ ದೇಹಂಗಳೆಲ್ಲ hayavadana ankita suladi ಆಧ್ಯಾತ್ಮ ಪ್ರಮೇಯ ಸುಳಾದಿOPPUVA MAANISA DEHANGALELLA ADHYATMA PRAMEYA SULADI

Audio by Mrs. Nandini Sripad

ಶ್ರೀ ವಾದಿರಾಜ ವಿರಚಿತ  ಆಧ್ಯಾತ್ಮ ಪ್ರಮೇಯ ಸುಳಾದಿ 

 ರಾಗ ಪಂತುವರಾಳಿ 

 ಧ್ರುವತಾಳ 

ಒಪ್ಪುವ ಮಾನಿಸ ದೇಹಂಗಳೆಲ್ಲ 
ಬ್ರಹ್ಮಪುರಕೊಂಬತ್ತು ದ್ವಾರಗಡಾ
ಎಪ್ಪತ್ತೆರಡು ಸಾಸಿರ ನಾಡಿಯೊಳು 
ಇಪ್ಪವು ಗಡಾ ಬೀದಿ ಬೀದಿಯಂತೆ
ಅಪ್ರತಿ ಮಧ್ಯೇಕ ನಾಡಿ ರಾಜ ಬೀದಿ ಷ -
ಟ್ಪದ್ಮವದರೊಳು ಬಗೆ ಬಗೆಯ
ಸರ್ಪಶಯನನೋಲಗ ಶಾಲೆ ಗಡಾ ಸೂರ್ಯ-
ನ ಪ್ರಭೆ ಪಂಜು ಬೆಳಕು ಗಡಾ
ತಪ್ಪದೆ ಸುಖವೆಂಬೊ ಸಕ್ಕರೆ ಹೇರು 
ಒಪ್ಪದು ಗಡಾ ಗಡಾ ದ್ವಾರದಲ್ಲಿ
ಅಪ್ರತಿ ಮೊದಲಾದ ದೇವಕ್ಕಳೆಲ್ಲ ಬ್ರ -
ಹ್ಮಪಾಲಕರಾದರು ಪಟ್ಟಣ ಸ್ವಾಮಿಗೆ
ಅರ್ಪಿಸುವರು ಗಡಾ ಹಯವದನನಿಗೆ ಅವ -
ನಪ್ಪಣೆಯಲ್ಲಿ ತಮಗಲ್ಪ ಗಡಾ
ಅಪ್ರೀಯವಾದ ದುಃಖಗಳೆಂಬುಳ್ಳಿಯ ಹೇರು
ಅಲ್ಪಸಾರ ಜೀವದಂಗಡಿಯಲ್ಲಿ ಗಡಾ ॥ 1 ॥

 ಮಠ್ಯತಾಳ 

ಬೀದಿ ಬೀದಿಯಲ್ಲಿ ಇರಳು ಹಗಲು
ಕಾದುಕೊಂಡಿಹರು ತಳವಾರರೈವರು
ಮಾಧವಗತಿಪ್ರೀಯರಿವರೆಂದೆಂದು
ಹಾದಿಯ ಕೊಡರು ದೈತ್ಯ ಚೋರರಿಗೆ
ಅಧಿಕಾರಿಕ ಮಂಡಲಕ್ಕಗ್ರೇಸರರು
ಈ ಧರೆಯೊಳು ಹಯವದನ ನಾಳುಗಳು 
ಮಾಧವಗತಿಪ್ರೀಯರಿವರೆಂದೆಂದೂ ॥ 2 ॥

 ರೂಪಕತಾಳ 

ಭಿಕ್ಷುಕ ಮೊದಲಾದ ಎಲ್ಲ ಪಟ್ಟಣದೊಳು
ಪೊಕ್ಕು ಬೇಡುವರು ಬೀದಿ ಬೀದಿಯಲ್ಲಿ
ಅಕ್ಕಟಾ ಈ ಜೀವ ಒಂದೇ ನಾಡಿ ವಾಸ
ರಕ್ಷಿಸಿ ಕೊಂಬುವದಲ್ಲಿಹ ಮೂವರು
ಪಕ್ಷಿವಾಹನಗಲ್ಲದೀ ದೇಹ ದೊರೆತನ
ದುಃಖ ಜೀವರಿಗೆಂತಪ್ಪದೊ ಹಯವದನ ॥ 3 ॥

 ಝಂಪೆತಾಳ 

ಇಂತಿ ಪಟ್ಟಣ ನಾಡಿ ಒಂದೇ ಎಂಬ
ಭ್ರಾಂತಮಯ ವಾದೀ ಶರೆಯ ಮನೆಯೊಳು
ಅಂತವಿಲ್ಲದ ಜೀವರಾಸಿಯಲ್ಲಿ ಪೊಗಿಸಿ
ಚಿಂತಿಗೊಳಗು ಮಾಡಿ ಕರ್ಮಪಾಶದಿ ಕಟ್ಟಿ
ಸಂತತವಾಳುತಿಹ ಹರಿಪುರವಿದು
ಸಂತೆ ಜೀವರಿಗೆ ಎಂತಪ್ಪೊದೆ ಹಯವದನ ॥ 4 ॥

 ತ್ರಿಪುಟತಾಳ 

ತಾಯಿ ಪೊಟ್ಟಿಯೊಳಿರಲು ದೇಹವಾರಿಚ್ಛೆ
ಬಾಯಿಬಿಟ್ಟಳುವಾಗ ದೇಹವಾರಿಚ್ಛೆ್ಛ
ಕಾಯ ತನ್ನಗಲುತಿಹ ದೇಹವಾರಿಚ್ಛೆ
ರಾಯ ಬಿಟ್ಟಿ ಹಿಡಿಯೆ ದೇಹವಾರಿಚ್ಛೆ
ಪಾಯಿಸವ ಸುರಿವಾಗ ಹೇಯವಾರಿಚ್ಛೆ
ಶ್ರೀಯರಸ ಹಯವದನ ಹರಿಪುರದರಸು ॥ 5 ॥

 ಧ್ರುವತಾಳ 

ಅನಿಲಾನು ಅನಳಾನು ಅಣುತೃಣವೆಂದು ಮುನ್ನ
ಕೆಣಕಲಾರದೆ ದುರ್ಮದದಿ ತಿರುಗಿದರೇನು
ಇನಿತು ತತ್ವದ ಜೀವರನು ಮುನ್ನೆ ಹರಿ ತಾನು
ಅನೇಕ ರೂಪದಿ ಪೊಕ್ಕು ನಡೆಸಿ ಕೊಂಬೆ ನೆನಲು
ಅನಿಮಿಷರಿಗಲ್ಲದೆ ಘನತೆ ನರರಿಗುಂಟೆ
ಗುಣನಿಧಿ ಹಯವದನನಾಧೀನ ಜಗವೆಲ್ಲ ॥ 6 ॥

 ಅಟ್ಟತಾಳ 

ದೇಹ ಬಂಧನವ ಬಿಡಿಸುವರೆ ಹರಿಯಾಕೆ
ದೇಹದಾತ ನೀನಾದಡೆ ಮರುಳೆ
ದೇಹಕೆ ಕ್ಲೇಶ ಸಂಕಟವಿದ್ಯಾತಕೆ
ದೇಹದಾತ ಶ್ರೀಹಯವದನನೆ ದೇಹಿಗೆ 
ದೇಹಾ ದೇಹದ ಯೋಗ ವಿಯೋಗಕಧಿಪತಿಯೆ ॥ 7 ॥

 ಆದಿತಾಳ 

ನಿನ್ನದಂತಿಹ ಇಂದ್ರಿಯ 
ನಿನ್ನದಂತಿಂದ್ರಿಯ ದರಸುಗಳಿರಲು
ನಿನ್ನದಂತಸುಗಳ ವಾರ್ತನೆ
ನಿನ್ನದಂತೆ ದೇಹ ವಿಚಾರ ತನುವಿದಾರದು
ನಿನ್ನದಂತೆ ದೇಹ ನೀ ನಿದ್ರೆಗೈಯು
ಮನ್ನದಿ ನಂಬು ಜೀವ ಸಿರಿಹಯವದನಾ ॥ 8 ॥

 ಜತೆ 

ದೇಹಿ ಅರಸು ನೀನೆ ದೇಹದರಸು ನೀನೆ
 ಶ್ರೀಹಯವದನನೆ ಸರ್ವರರಸು ನೀನೆ ॥
***********