ಜಯತೀರ್ಥ ಸ್ತುತಿ ಸತ್ಯಪ್ರಿಯತೀರ್ಥ ವಿರಚಿತಮ್ जयतीर्थ स्तुति: DHAATI SHREE BY SATYAPRIYA TEERTHA JAYATEERTHA STUTIH

॥ ಅಥ ಶ್ರೀಜಯತೀರ್ಥಸ್ತುತಿ: ॥
ಧಾಟೀ ಶ್ರೀಜಯತೀರ್ಥವರ್ಯವಚಸಾಂ ಚೇಟೀಭವತ್ಸ್ವರ್ಧುನೀ-
ಪಾಟೀರಾನಿಲಪುಲ್ಲಮಲ್ಲಿಸುಮನೋವಾಟೀಲಸದ್ವಾಸನಾ ।
ಪೇಟೀ ಯುಕ್ತಿಮಣಿಶ್ರಿಯಾಂ ಸುಮತಿಭಿ: ಕೋಟೀರಕೈ: ಶ್ಲಾಘಿತಾ
ಸಾ ಟೀಕಾ ನಿಚಯಾತ್ಮಿಕಾ ಮಮ ಚಿರಾದಾಟೀಕತಾಂ ಮಾನಸೇ ॥೧॥


ಟೀಕಾಕೃಜ್ಜಯವರ್ಯ ಸಂಸದಿ ಭವತ್ಯೇಕಾಂತತೋ ರಾಜತಿ
ಪ್ರಾಕಾಮ್ಯಂ ದಧತೇ ಪಲಾಯನವಿಧೌ ಸ್ತೋಕಾನ್ಯಶಂಕಾದ್ವಿಷ: ।
ಲೋಕಾಂಧೀಕರಣಕ್ಷಮಸ್ಯ ತಮಸ: ಸಾ ಕಾಲಸೀಮಾ ಯದಾ
ಪಾಕಾರಾತಿದಿಶಿ ಪ್ರರೋಹತಿ ನ ಚೇದ್ರಾಕಾನಿಶಾಕಾಮುಕ: ॥೨॥


ಛಾಯಾಸಂಶ್ರಯಣೇನ ಯಚ್ಚರಣಯೋರಾಯಾಮಿಸಾಂಸಾರಿಕಾ-
ಪಾಯಾನಲ್ಪತಮಾತಪವ್ಯತಿಕರವ್ಯಾಯಾಮವಿಕ್ಷೋಭಿತಾ: ।
ಆಯಾಂತಿ ಪ್ರಕಟಾಂ ಮುದಂ ಬುಧಜನಾ ಹೇಯಾನಿ ಧಿಕ್ಕೃತ್ಯ ನ:
ಪಾಯಾಚ್ಛ್ರೀಜಯರಾಟ್ ದೃಶಾ ಸರಸನಿರ್ಮಾಯಾನುಕಂಪಾರ್ದ್ರಯಾ ॥೩॥


ಶ್ರೀವಾಯ್ವಂಶಸುವಂಶಮೌಕ್ತಿಕಮಣೇ: ಸೇವಾವಿನಮ್ರಕ್ಷಮಾ-
ದೇವಾಜ್ಞಾನತಮೋವಿಮೋಚನಕಲಾಜೈವಾತೃಕಶ್ರೀನಿಧೇ: ।
ಶೈವಾದ್ವೈತಮತಾಟವೀಕವಲನಾದಾವಾಗ್ನಿಲೀಲಾಜುಷ:
ಕೋ ವಾದೀ ಪುರತೋ ಜಯೀಶ್ವರ ಭವೇತ್ ತೇ ವಾದಿಕೋಲಾಹಲೇ ॥೪॥


ನೀಹಾರಚ್ಛವಿಬಿಂಬನಿರ್ಗತಕರವ್ಯೂಹಾಪ್ಲುತೇಂದೂಪಲಾ-
ನಾಹಾರ್ಯಶ್ರುತನೂತನಾಮೃತಪರೀವಾಹಾಲಿವಾಣೀಮುಚ: ।
ಊಹಾಗೋಚರಗರ್ವಪಂಡಿತಪಯೋವಾಹಾನಿಲಶ್ರೀಜುಷೋ
ಮಾಹಾತ್ಮ್ಯಂ ಜಯತೀರ್ಥವರ್ಯ ಭವತೋ ವ್ಯಾಹಾರಮತ್ಯೇತಿ ನ: ॥೫॥


ವಂದಾರುಕ್ಷಿತಿಪಾಲಮೌಲಿವಿಲಸನ್ಮಂದಾರಪುಷ್ಪಾವಲೀ-
ಮಂದಾನ್ಯಪ್ರಸರನ್ಮರಂದಕಣಿಕಾವೃಂದಾರ್ದ್ರಪಾದಾಂಬುಜ: ।
ಕುಂದಾಭಾಮಲಕೀರ್ತಿರಾರ್ತಜನತಾವೃಂದಾರಕಾನೋಕಹ:
ಸ್ವಂ ದಾಸಂ ಜಯತೀರ್ಥರಾಟ್ ಸ್ವಕರುಣಾಸಂಧಾನಿತಂ ಮಾಂ ಕ್ರಿಯಾತ್ ॥೬॥


ಶ್ರೀದಾರಾಂಘ್ರಿನತ: ಪ್ರತೀಪಸುಮನೋವಾದಾಹವಾಟೋಪನಿ-
ರ್ಭೇದಾತಂದ್ರಮತಿ: ಸಮಸ್ತವಿಬುಧಾಮೋದಾವಲೀದಾಯಕ: ।
ಗೋದಾವರ್ಯುದಯತ್ತರಂಗನಿಕರಹ್ರೀದಾಯಿಗಂಭೀರಗೀ:
ಪಾದಾಬ್ಜಪ್ರಣತೇ ಜಯೀ ಕಲಯತು ಸ್ವೇ ದಾಸವರ್ಗೇಽಪಿ ಮಾಮ್ ॥೭॥


ವಿದ್ಯಾವಾರಿಜಷಂಡಚಂಡಕಿರಣೋ ವಿದ್ಯಾಮದಕ್ಷೋದಯತ್
ವಾದ್ಯಾಲೀಕದಲೀಭಿದಾಮರಕರೀಹೃದ್ಯಾತ್ಮಕೀರ್ತಿಕ್ರಮ: ।
ಪದ್ಯಾ ಬೋಧತತೇರ್ವಿನಮ್ರಸುರರಾಡುದ್ಯಾನಭೂಮೀರುಹೋ
ದದ್ಯಾಚ್ಛ್ರೀಜಯತೀರ್ಥರಾಟ್ ಧಿಯಮುತಾವದ್ಯಾನಿ ಭಿದ್ಯಾನ್ಮಮ ॥೮॥


ಆಭಾಸತ್ವಮಿಯಾಯ ತಾರ್ಕಿಕಮತಂ ಪ್ರಾಭಾಕರಪ್ರಕ್ರಿಯಾ
ಶೋಭಾಂ ನೈವ ಬಭಾರ ದೂರನಿಹಿತಾ ವೈಭಾಷಿಕಾದ್ಯುಕ್ತಯ: ।
ಹ್ರೀಭಾರೇಣ ನತಾಶ್ಚ ಸಂಕರಮುಖಾ: ಕ್ಷೋಭಾಕರೋ ಭಾಸ್ಕರ:
ಶ್ರೀಭಾಷ್ಯಂ ಜಯಯೋಗಿನಿ ಪ್ರವದತಿ ಸ್ವಾಭಾವಿಕೋದ್ಯನ್ಮತೌ ॥೯॥


ಬಂಧಾನ: ಸರಸಾರ್ಥಶಬ್ದವಿಲಸದ್ಬಂಧಾಕರಾಣಾಂ ಗಿರಾಂ
ಇಂಧಾನೋಽರ್ಕವಿಭಾಪರೀಭವಝರೀಸಂಧಾಯಿನಾ ತೇಜಸಾ ।
ರುಂಧಾನೋ ಯಶಸಾ ದಿಶ: ಕವಿಶಿರ:ಸಂಧಾರ್ಯಮಾಣೇನ ಮೇ
ಸಂಧಾನಂ ಸ ಜಯೀ ಪ್ರಸಿದ್ಧಹರಿಸಂಬಂಧಾಗಮಸ್ಯ ಕ್ರಿಯಾತ್ ॥೧೦॥


ಸಂಖ್ಯಾವದ್ಗಣಗೀಯಮಾನಚರಿತ: ಸಾಂಖ್ಯಾಕ್ಷಪಾದಾದಿನಿ:-
ಸಂಖ್ಯಾಽಸತ್ಸಮಯಿಪ್ರಭೇದಪಟಿಮಾಪ್ರಖ್ಯಾತವಿಖ್ಯಾತಿಗ: ।
ಮುಖ್ಯಾವಾಸಗೃಹಂ ಕ್ಷಮಾದಮದಯಾಮುಖ್ಯಾಮಲಶ್ರೀಧುರಾಂ
ವ್ಯಾಖ್ಯಾನೇ ಕಲಯೇದ್ರತಿಂ ಜಯವರಾಭಿಖ್ಯಾಧರೋ ಮದ್ಗುರು: ॥೧೧॥


ಆಸೀನೋ ಮರುದಂಶದಾಸಸುಮನೋನಾಸೀರದೇಶೇ ಕ್ಷಣಾತ್
ದಾಸೀಭೂತವಿಪಕ್ಷವಾದಿವಿಸರ: ಶಾಸೀ ಸಮಸ್ತೈನಸಾಮ್ ।
ವಾಸೀ ಹೃತ್ಸು ಸತಾಂ ಕಲಾನಿವಹವಿನ್ಯಾಸೀ ಮಮಾನಾರತಂ
ಶ್ರೀಸೀತಾರಮಣಾರ್ಚಕ: ಸ ಜಯರಾಡಾಸೀದತಾಂ ಮಾನಸೇ ॥೧೨॥


ಪಕ್ಷೀಶಾಸನಪಾದಪೂಜನರತ: ಕಕ್ಷೀಕೃತೋದ್ಯದ್ದಯೋ
ಲಕ್ಷ್ಯೀಕೃತ್ಯ ಸಭಾತಲೇ ರಟದಸತ್ಪಕ್ಷೀಶ್ವರಾನಕ್ಷಿಪತ್ ।
ಅಕ್ಷೀಣಪ್ರತಿಭಾಭರೋ ವಿಧಿಸರೋಜಾಕ್ಷೀವಿಹಾರಾಕರೋ
ಲಕ್ಷ್ಮೀಂ ನ: ಕಲಯೇಜ್ಜಯೀ ಸುಚಿರಮಧ್ಯಕ್ಷೀಕೃತಕ್ಷೋಭಣಾಮ್ ॥೧೩॥


ಯೇನಾಽಗಾಹಿ ಸಮಸ್ತಶಾಸ್ತ್ರಪೃತನಾರತ್ನಾಕರೋ ಲೀಲಯಾ
ಯೇನಾಽಖಂಡಿ ಕುವಾದಿಸರ್ವಸುಭಟಸ್ತೋಮೋ ವಚ:ಸಾಯಕೈ: ।
ಯೇನಾಽಸ್ಥಾಪಿ ಚ ಮಧ್ವಶಾಸ್ತ್ರವಿಜಯಸ್ತಂಭೋ ಧರಾಮಂಡಲೇ
ತಂ ಸೇವೇ ಜಯತೀರ್ಥವೀರಮನಿಶಂ ಮಧ್ವಾಖ್ಯರಾಜಾದೃತಮ್ ॥೧೪॥


ಯದೀಯವಾಕ್ತರಂಗಾಣಾಂ ವಿಪ್ಲುಷೋ ವಿದುಷಾಂ ಗಿರ: ।
ಜಯತಿ ಶ್ರೀಧರಾವಾಸೋ ಜಯತೀರ್ಥಸುಧಾಕರ: ॥೧೫॥


ಸತ್ಯಪ್ರಿಯಯತಿಪ್ರೋಕ್ತಂ ಶ್ರೀಜಯಾರ್ಯಸ್ತವಂ ಶುಭಮ್ ।
ಪಠನ್ ಸಭಾಸು ವಿಜಯೀ ಲೋಕೇಷೂತ್ತಮತಾಂ ವ್ರಜೇತ್ ॥೧೬॥


॥ ಇತಿ ಶ್ರೀಸತ್ಯಪ್ರಿಯತೀರ್ಥವಿರಚಿತಾ ಶ್ರೀಜಯತೀರ್ಥಸ್ತುತಿ: ॥
*********


॥ अथ श्री जयतीर्थ स्तुति: ॥

धाटी श्रीजयतीर्थवर्यवचसां चेटीभवत्स्वर्धुनी-
पाटीरानिलपुल्लमल्लिसुमनोवाटीलसद्वासना ।
पेटी युक्तिमणिश्रियां सुमतिभि: कोटीरकै: श्लाघिता
सा टीका निचयात्मिका मम चिरादाटीकतां मानसे ॥१॥


टीकाकृज्जयवर्य संसदि भवत्येकांततो राजति
प्राकाम्यं दधते पलायनविधौ स्तोकान्यशंकाद्विष: ।
लोकांधीकरणक्षमस्य तमस: सा कालसीमा यदा
पाकारातिदिशि प्ररोहति न चेद्राकानिशाकामुक: ॥२॥


छायासंश्रयणेन यच्चरणयोरायामिसांसारिका-
पायानल्पतमातपव्यतिकरव्यायामविक्षोभिता: ।
आयांति प्रकटां मुदं बुधजना हेयानि धिक्कृत्य न:
पायाच्छ्रीजयराट् दृशा सरसनिर्मायानुकंपार्द्रया ॥३॥


श्रीवाय्वंशसुवंशमौक्तिकमणे: सेवाविनम्रक्षमा-
देवाज्ञानतमोविमोचनकलाजैवातृकश्रीनिधे: ।
शैवाद्वैतमताटवीकवलनादावाग्निलीलाजुष:
को वादी पुरतो जयीश्वर भवेत् ते वादिकोलाहले ॥४॥


नीहारच्छविबिंबनिर्गतकरव्यूहाप्लुतेंदूपला-
नाहार्यश्रुतनूतनामृतपरीवाहालिवाणीमुच: ।
ऊहागोचरगर्वपंडितपयोवाहानिलश्रीजुषो
माहात्म्यं जयतीर्थवर्य भवतो व्याहारमत्येति न: ॥५॥


वंदारुक्षितिपालमौलिविलसन्मंदारपुष्पावली-
मंदान्यप्रसरन्मरंदकणिकावृंदार्द्रपादांबुज: ।
कुंदाभामलकीर्तिरार्तजनतावृंदारकानोकह:
स्वं दासं जयतीर्थराट् स्वकरुणासंधानितं मां क्रियात् ॥६॥


श्रीदारांघ्रिनत: प्रतीपसुमनोवादाहवाटोपनि-
र्भेदातंद्रमति: समस्तविबुधामोदावलीदायक: ।
गोदावर्युदयत्तरंगनिकरह्रीदायिगंभीरगी:
पादाब्जप्रणते जयी कलयतु स्वे दासवर्गेऽपि माम् ॥७॥


विद्यावारिजषंडचंडकिरणो विद्यामदक्षोदयत्
वाद्यालीकदलीभिदामरकरीहृद्यात्मकीर्तिक्रम: ।
पद्या बोधततेर्विनम्रसुरराडुद्यानभूमीरुहो
दद्याच्छ्रीजयतीर्थराट् धियमुतावद्यानि भिद्यान्मम ॥८॥


आभासत्वमियाय तार्किकमतं प्राभाकरप्रक्रिया
शोभां नैव बभार दूरनिहिता वैभाषिकाद्युक्तय: ।
ह्रीभारेण नताश्च संकरमुखा: क्षोभाकरो भास्कर:
श्रीभाष्यं जययोगिनि प्रवदति स्वाभाविकोद्यन्मतौ ॥९॥


बंधान: सरसार्थशब्दविलसद्बंधाकराणां गिरां
इंधानोऽर्कविभापरीभवझरीसंधायिना तेजसा ।
रुंधानो यशसा दिश: कविशिर:संधार्यमाणेन मे
संधानं स जयी प्रसिद्धहरिसंबंधागमस्य क्रियात् ॥१०॥


संख्यावद्गणगीयमानचरित: सांख्याक्षपादादिनि:-
संख्याऽसत्समयिप्रभेदपटिमाप्रख्यातविख्यातिग: ।
मुख्यावासगृहं क्षमादमदयामुख्यामलश्रीधुरां
व्याख्याने कलयेद्रतिं जयवराभिख्याधरो मद्गुरु: ॥११॥


आसीनो मरुदंशदाससुमनोनासीरदेशे क्षणात्
दासीभूतविपक्षवादिविसर: शासी समस्तैनसाम् ।
वासी हृत्सु सतां कलानिवहविन्यासी ममानारतं
श्रीसीतारमणार्चक: स जयराडासीदतां मानसे ॥१२॥


पक्षीशासनपादपूजनरत: कक्षीकृतोद्यद्दयो
लक्ष्यीकृत्य सभातले रटदसत्पक्षीश्वरानक्षिपत् ।
अक्षीणप्रतिभाभरो विधिसरोजाक्षीविहाराकरो
लक्ष्मीं न: कलयेज्जयी सुचिरमध्यक्षीकृतक्षोभणाम् ॥१३॥


येनाऽगाहि समस्तशास्त्रपृतनारत्नाकरो लीलया
येनाऽखंडि कुवादिसर्वसुभटस्तोमो वच:सायकै: ।
येनाऽस्थापि च मध्वशास्त्रविजयस्तंभो धरामंडले
तं सेवे जयतीर्थवीरमनिशं मध्वाख्यराजादृतम् ॥१४॥


यदीयवाक्तरंगाणां विप्लुषो विदुषां गिर: ।
जयति श्रीधरावासो जयतीर्थसुधाकर: ॥१५॥


सत्यप्रिययतिप्रोक्तं श्रीजयार्यस्तवं शुभम् ।
पठन् सभासु विजयी लोकेषूत्तमतां व्रजेत् ॥१६॥

॥ इति श्रीसत्यप्रियतीर्थविरचिता श्रीजयतीर्थस्तुति: ॥

************

for understanding shlokas

[4:13 PM, 11/26/2019] SURESH HULIKUNTI RAO: 


ಧಾಟೀ ಶ್ರೀಜಯತೀರ್ಥ-ವರ್ಯ-ವಚಸಾಂ ಚೀಟೀಭವತ್-ಸ್ವರ್ಧುನೀ
ಪಾಟೀರಾನಿಲ-ಫುಲ್ಲ-ಮಲ್ಲಿ-ಸುಮನೋ-ವಾಟೀ-ಲಸದ್-ವಾಸನಾ |
ಪೇಟೀ ಯುಕ್ತ-ಮಣಿ-ಶ್ರಿಯಾಂ ಸುಮತಿಭಿಃ ಕೋಟೀರಕೈಃ ಶ್ಲಾಘಿತಾ
ಸಾ ಟೀಕಾ-ನಿಚಯಾತ್ಮಿಕಾ ಮಮ ಚಿರಾದಾಟೀಕತಾಂ ಮಾನಸೇ || ೧ ||

ಟೀಕಾಕೃಜ್ಜಯವರ್ಯ ಸಂಸದಿ ಭವತ್ಯೇಕಾಂತತೋ ರಾಜತಿ
ಪ್ರಾಕಾಮ್ಯಂ ದಧತೇ ಪಲಾಯನ-ವಿಧೌ ಸ್ತೋಕಾನ್ಯ-ಶಂಕಾ ದ್ವಿಷಃ |
ಲೋಕಾಂಧೀಕರಣ-ಕ್ಷಮಸ್ಯ ತಮಸಃ ಸಾ ಕಾಲ-ಸೀಮಾ ಯದಾ
ಪಾಕಾರಾತಿ-ದಿಶಿ ಪ್ರರೋಹತಿ ನ ಚೇದ್ ರಾಕಾ-ನಿಶಾ-ಕಾಮುಕಃ || ೨ ||

ಛಾಯಾ-ಸಂಶ್ರಯಣೇನ ಯಚ್ಚರಣಯೋರಾಯಾಮಿ-ಸಾಂಸಾರಿಕಾ-
ಪಾಯಾನಲ್ಪತಮಾತಪ-ವ್ಯತಿಕರ-ವ್ಯಾಯಾಮ-ವಿಕ್ಷೋಭಿತಾಃ |
ಆಯಾಂತಿ ಪ್ರಕಟಾಂ ಮುದಂ ಬುಧ-ಜನಾ ಹೇಯಾನಿ ಧಿಕ್ಕೃತ್ಯ ನಃ
ಪಾಯಾಚ್ಛ್ರೀಜಯರಾಡ್ ದೃಶಾ ಸರಸ-ನಿರ್ಮಾಯಾನುಕಂಪಾರ್ದ್ರಯಾ || ೩ ||

ಶ್ರೀವಾಯ್ವಂಶ-ಸುವಂಶ-ಮೌಕ್ತಿಕಮಣೇಃ ಸೇವಾ-ವಿನಮ್ರ-ಕ್ಷಮಾ-
ದೇವಾಜ್ಞಾನ-ತಮೋ-ವಿಮೋಚನ-ಕಲಾ-ಜೈವಾತೃಕ-ಶ್ರೀ-ನಿಧೇಃ |
ಶೈವಾದ್ವೈತ-ಮತಾಟವೀ-ಕವಲನಾ-ದಾವಾಗ್ನಿ-ಲೀಲಾ-ಜುಷಃ
ಕೋ ವಾದೀ ಪುರತೋ ಜಯೀಶ್ವರ ಭವೇತ್ ತೇ ವಾದ-ಕೋಲಾಹಲೇ || ೪ ||

ನೀಹಾರ-ಚ್ಛವಿ-ಬಿಂಬ-ನಿರ್ಗತ-ಕರ-ವ್ಯೂಹಾಪ್ಲುತೇಂದೂಪಲಾ-
ನಾಹಾರ್ಯ-ಸ್ರುತ-ನೂತನಾಮೃತ-ಪರೀವಾಹಾಲಿ-ವಾಣೀ-ಮುಚಃ |
ಊಹಾಗೋಚರ-ಗರ್ವ-ಪಂಡಿತ-ಪಯೋ-ವಾಹಾನಿಲ-ಶ್ರೀ-ಜುಷೋ
ಮಾಹಾತ್ಮ್ಯಂ ಜಯತೀರ್ಥ ವರ್ಯ ಭವತೋ ವ್ಯಾಹಾರಮತ್ಯೇತಿ ನಃ || ೫ ||

ಮಂದಾರು-ಕ್ಷಿತಿ-ಪಾಲ-ಮೌಲಿ-ವಿಲಸನ್ಮಂದಾರ-ಪುಷ್ಪಾವಲೀ-
ಮಂದಾನ್ಯ-ಪ್ರಸರನ್ಮರಂದ-ಕಣಿಕಾ-ವೃಂದಾರ್ದ್ರ-ಪಾದಾಂಬುಜಃ |
ಕುಂದಾಭಾಮಲ-ಕೀರ್ತಿರಾರ್ತ-ಜನತಾ-ವೃಂದಾರಕಾನೋಕಹಃ
ಸ್ವಂ ದಾಸಂ ಜಯತೀರ್ಥ-ರಾಟ್ ಸ್ವ-ಕರುಣಾ-ಸಂದಾನಿತಂ ಮಾಂ ಕ್ರಿಯಾತ್ || ೬ ||

ಶ್ರೀ-ದಾರಾಂಘ್ರಿ-ನತಃ ಪ್ರತೀಪ-ಸುಮನೋ-ವಾದಾಹವಾಟೋಪ-ನಿ-
ರ್ಭೇದಾತಂದ್ರ-ಮತಿಃ ಸಮಸ್ತ-ವಿಬುಧಾಮೋದಾವಲೀ-ದಾಯಕಃ |
ಗೋದಾವರ್ಯದಯತ್-ತರಂಗ-ನಿಕರ-ಹ್ರೀ-ದಾಯಿ-ಗಂಭೀರ-ಗೀಃ
ಪಾದಾಬ್ಜ-ಪ್ರಣತೇ ಜಯೀ ಕಲಯತು ಸ್ವೇ ದಾಸ-ವರ್ಗೇಽಪಿ ಮಾಮ್ || ೭ ||

ವಿದ್ಯಾ-ವಾರಿಜ-ಷಂಡ-ಚಂಡ-ಕಿರಣೋ ವಿದ್ಯಾ-ಮದ-ಕ್ಷೋದಯದ್-
ವಾದ್ಯಾಲೀ-ಕದಲೀ-ಭಿದಾಮರ-ಕರೀ ಹೃದ್ಯಾತ್ಮ-ಕೀರ್ತಿ-ಕ್ರಮಃ |
ಪದ್ಯಾ ಭೋಧ-ತತೇರ್ವಿನಮ್ರ-ಸುರ-ರಾಡುದ್ಯಾನ-ಭೂಮೀ-ರುಹೋ
ದದ್ಯಾಚ್ಛ್ರೀಜಯತೀರ್ಥ-ರಾಡ್ ಧಿಯಮುತಾವದ್ಯಾನಿ ಭಿದ್ಯಾನ್ಮಮ || ೮ ||

ಆಭಾಸತ್ವಮಿಯಾಯ ತಾರ್ಕಿಕ-ಮತಂ ಪ್ರಾಭಾಕರ-ಪ್ರಕ್ರಿಯಾ
ಶೋಭಾಂ ನೈವ ಬಭಾರ ದೂರ-ನಿಹಿತಾ ವೈಭಾಷಿಕಾದ್ಯುಕ್ತಯಃ |
ಹ್ರೀಭಾರೇಣ ನತಾಶ್ಚ ಸಂಕರ-ಮುಖಾಃ ಕ್ಷೋಭಾಕರೋ ಭಾಸ್ಕರಃ
ಶ್ರೀ-ಭಾಷ್ಯಂ ಜಯ-ಯೋಗಿನಿ ಪ್ರವದತಿ ಸ್ವಾಭಾವಿಕೋದ್ಯನ್ಮತೌ || ೯ ||

ಬಂಧಾನಃ ಸರಸಾರ್ಥ-ಶಬ್ದ-ವಿಲಸದ್-ಬಂಧಾಕರಾಣಾಂ ಗಿರಾಂ
ಇಂಧಾನೋಽರ್ಕ-ವಿಭಾ-ಪರಿಭವ-ಝರೀ-ಸಂಧಾಯಿನಾ ತೇಜಸಾ |
ರುಂಧಾನೋ ಯಶಸಾ ದಿಶಃ ಕವಿ-ಶಿರಃ-ಸಂಧಾರ್ಯಮಾಣೇನ ಮೇ
ಸಂಧಾನಂ ಸ ಜಯೀ ಪ್ರಸಿದ್ಧ-ಹರಿ-ಸಂಬಂಧಾಗಮಸ್ಯ ಕ್ರಿಯಾತ್ || ೧೦ ||

ಸಖ್ಯಾವದ್-ಗಣ-ಗೀಯಮಾನ-ಚರಿತಃ ಸಾಂಖ್ಯಾಕ್ಷಪಾದಾದಿ-ನಿಃ-
ಸಂಖ್ಯಾಸತ್-ಸಮಯಿ-ಪ್ರಭೇದ-ಪಟಿಮ-ಪ್ರಖ್ಯಾತ-ವಿಖ್ಯಾತಿ-ಗಃ |
ಮುಖ್ಯಾವಾಸ-ಗೃಹಂ ಕ್ಷಮಾ-ದಮ-ದಯಾ-ಮುಖ್ಯಾಮಲ-ಶ್ರೀ-ಧುರಾಂ
ವ್ಯಾಖ್ಯಾನೇ ಕಲಯೇದ್ ರತಿಂ ಜಯವರಾಭಿಖ್ಯಾ-ಧರೋಮದ್-ಗುರುಃ || ೧೧ ||

ಆಸೀನೋ ಮರುದಂಶ-ದಾಸ-ಸುಮನೋ-ನಾಸೀರ-ದೇಶೇ ಕ್ಷಣಾದ್
ದಾಸೀಭೂತ-ವಿಪಕ್ಷ-ವಾದಿ-ವಿಸರಃ ಶಾಸೀ ಸಮಸ್ತೈನಸಾಮ್ |
ವಾಸೀ ಹೃತ್ಸು ಸತಾಂ ಕಲಾ-ನಿವಹ-ವಿನ್ಯಾಸೀ ಮಮಾನಾರತಂ
ಶ್ರೀ-ಸೀತಾ-ರಮಣಾರ್ಚಕಃ ಸ ಜಯರಾಡಾಸೀದತಾಂ ಮಾನಸೇ || ೧೨ ||

ಪಕ್ಷೀಶಾಸನ-ಪಾದ-ಪೂಜನ-ರತಃ ಕಕ್ಷೀಕೃತೋದ್ಯದ್-ದಯೋ
ಲಕ್ಷ್ಮೀಕೃತ್ಯ ಸಭಾ-ತಲೇ ರಟದಸತ್-ಪಕ್ಷೀಶ್ವರಾನಕ್ಷಿಪತ್ |
ಅಕ್ಷೀಣಂ-ಪ್ರತಿಭಾ-ಭರೋ ವಿಧಿ-ಸರೋಜಾಕ್ಷೀ-ವಿಹಾರಾಕರೋ
ಲಕ್ಷ್ಮೀಂ ನಃ ಕಲಯೇಜ್ಜಯೀ ಸುಚಿರಮಧ್ಯಕ್ಷೀಕೃತಾಧೋಕ್ಷಜಾಮ್ || ೧೩ ||

ಯೇನಾಗಾಹಿ ಸಮಸ್ತ-ಶಾಸ್ತ್ರ-ಪೃತನಾ-ರತ್ನಾಕರೋ ಲೀಲಯಾ
ಯೇನಾಖಂಡಿ ಕುವಾದಿ-ಸರ್ವ-ಸುಭಟ-ಸ್ತೋಮೋ ವಚಃ-ಸಾಯಕೈಃ |
ಯೇನಾಸ್ಥಾಪಿ ಚ ಮಧ್ವ-ಶಾಸ್ತ್ರ-ವಿಜಯ-ಸ್ತಂಭೋ ಧರಾ-ಮಂಡಲೇ
ತಂ ಸೇವೇ ಜಯತೀರ್ಥ-ವೀರಮನಿಶಂ ಮಧ್ವಾಖ್ಯ-ರಾಜಾದೃತಮ್ || ೧೪ ||

ಯದೀಯ-ವಾಕ್-ತರಂಗಾಣಾಂ ವಿಪ್ಲುಷೋ ವಿದುಷಾಂ ಗಿರಃ |
ಜಯತಿ ಶ್ರೀಧರಾವಾಸೋ ಜಯತೀರ್ಥ-ಸುಧಾಕರಃ || ೧೫ ||

ಸತ್ಯಪ್ರಿಯ-ಯತಿ-ಪ್ರೋಕ್ತಂ ಶ್ರೀ-ಜಯಾರ್ಯ-ಸ್ತವಂ ಶುಭಮ್ |
ಪಠನ್ ಸಭಾಸು ವಿಜಯೀ ಲೋಕೇ ಖ್ಯಾತಿಂ ಗಮಿಷ್ಯತಿ || ೧೬ ||

|| ಇತಿ ಶ್ರೀಸತ್ಯಪ್ರಿಯತೀರ್ಥವಿರಚಿತಾ ಶ್ರೀಜಯತೀರ್ಥಸ್ತುತಿಃ ಸಮಾಪ್ತಾ ||
********