ಒಂದೇ ಮನದಿ ನಾನಿಂದು ನಮಿಸುವೆ purandara vittala

ಶ್ರೀ ಪುರಂದರದಾಸರ ಕೃತಿ 

 ರಾಗ ಭೈರವಿ            ಆದಿತಾಳ 

ಒಂದೇ ಮನದಿ ನಾನಿಂದು ನಮಿಸುವೆ ।
ಸಿಂಧುಶಯನನೆ ಮಂದಹಾಸನೆ ॥ ಪ ॥
ಬಂದ ದುರಿತಗಳೊಂದು ಕೊಡದೆ ।
ತಂದೆ ಸಲಹಬೇಕೋ ॥ ಅ ಪ ॥

ನಿನ್ನ ಹೊರತು ನಾನನ್ಯರೊಬ್ಬರ ।
ಇನ್ನು ಕಾಣೆನೊ ಎನ್ನ ಸಾಕುವ ॥
ಚೆನ್ನವಾಗಿ ಪ್ರಸನ್ನನಾಗೆಲೋ ।
ಘನ್ನ ಮಹಿಮ ನೀನು ॥ 1 ॥

ಕೋರಿ ನಿನ್ನನು ಬಾರಿಬಾರಿಗೆ ।
ಸಾರಿದೆ ನಾ ವಾರಿಜಾಕ್ಷನೆ ॥
ತೋರು ನಿನ್ನಯ ಚಾರುಚರಣವ ಅ - ।
ಪಾರ ಕರುಣಾನಿಧಿಯೆ ॥ 2 ॥

ತುಂಗ ನಿನ್ನ ಪಾದಾಬ್ಜಭೃಂಗ ನಾ ।
ಮಂಗಳಾಂಗನೆ ಭಂಗ ಮಾಡದೆ ॥
ರಂಗ ನಿನ್ನಂತರಂಗ ಭಕ್ತರ ।
ಸಂಗ ನೀಡಬೇಕೋ ॥ 3 ॥

ಕಾಮಜನಕ ಸುದಾಮಮಿತ್ರನೆ ।
ದಾಮ ಉದರನೆ ನೇಮದಿಂದಲಿ ॥
ರಾಮ ನಿನ್ನಯ ನಾಮ ಭಜನೆಗಳ ।
ಪ್ರೇಮಾ ಮಾಡಬೇಕೋ ॥ 4 ॥

ದೇವದೇವನೆ ಸಾರ್ವಭೌಮನೆ ।
ಯಾವ ಕಾಲದಿ ಯಾವ ದೇಶದಿ ॥
ಜೀವರೆಲ್ಲರ ಕಾವ ದೇವನೆ ।
ಗೋವಿಂದ ಗೋಪತಿಯೇ ॥ 5 ॥

ಈಶ ಎನಗೆಂಬೆ ಜಗದೀಶ ನಿನ್ನನು ।
ಶ್ರೀಶ ಮನ್ನಿಸೋ ಶೇಷಶಯನನೆ ॥
ದಾಸ ಎನ್ನನು ಘಾಸಿ ಮಾಡದೆ ।
ಪೋಷಿಸಬೇಕೋ ನೀನು ॥ 6 ॥

ಪರಾಕು ನಾ ಎಂಬೆ ಪರಾಕು ಮಾಡದೆ ।
ಹರಾದಿವಂದ್ಯನೆ ಸುರರಪಕ್ಷನೆ ॥
ಚರಾಚರದಲ್ಲಿ ವಿರಾಜಿತ ತಂದೆ ।
 ಶ್ರೀಪುರಂದರವಿಠ್ಠಲರಾಯ ॥ 7 ॥
***

pallavi

onde manadi nAnindu namisuve sindhu shayanane mandahAsane

anupallavi

banda duritagaLondu kUDade tande salaha bEkO

caraNam 1

ninna horadu nAnanyarobbara innu kANeno enna sAkuva cennAgi prasannAgelo ghanna mahima nInu

caraNam 2

kOri ninnanu bAribArige sAride nA vArijAkSane tOru ninnaya cAru caraNava apAra karuNAnidhE

caraNam 3

tunga ninna pAdAbja bhrnga nA mangaLAngane bhanga mADade ranga ninnantaranga bhaktara sanga nIDa bEko

caraNam 4

kAma janaka sudAma mitrane dAmavudarane nEmadindali rAma ninnaya nAma bhajanegaLa prEma mADa bEko

caraNam 5

dEvadEvane sArvabhaumane yAva kAladi yAva dEshadi jIvarellara kAva dEvane gOvinda gOpatiye

caraNam 6

Isha enudembe jagadIsha ninnanu shrIsha manniso shESa shayanane dAsa ennanu gAsi mADade pOSisa bEkO nInu

caraNam 7

parAku embe nA parAku mADade harAdi vandyane surara pakSane carAcaradali virAjita tande purandara viTTalarAya

***