ಗುರುನಾಮ ಸ್ಮರಿಸಿರೊ ಶ್ರೀಗುರುನಾಮ ಸುರಮುನಿ ankita mahipati GURUNAAMA SMARISIRO SRI GURUNAMA SURAMUNI

ಗುರು ನಾಮ ಸ್ಮರಿಸಿರೊ ಶ್ರೀಗುರುನಾಮ
ಸುರಮುನಿ ಜನರ ಪ್ರಿಯವಾದ ನಾಮ ||ಪ||

ಬ್ರಹ್ಮವಿಷ್ಣುರುದ್ರರಿಗಿದೇ ನಿಜನಾಮ
ಪ್ರೇಮದಿಂದ ಸ್ಮರಿಸುವುದು ಇದೇ ನಾಮ
ಸಮಸ್ತ ಲೋಕಕ್ಕೆ ಸಾರವಾದ ನಾಮ
ನೇಮದಿಂದ ತಾರಿಸುವ ದಿವ್ಯನಾಮ ||೧||

ಸಕಲಾಗಮ ಪೂಜಿತಕಿದೇ ನಾಮ
ಏಕೋಮಯವಾಗಿ ತೋರುವದಿದೇ ನಾಮ
ಶುಕನಾಮ ದೇವರಿಗಿದೇ ನಿಜನಾಮ
ಸುಖ ಸರ್ವರಿಗೆ ತೋರುವ ಗುರುನಾಮ ||೨||

ಕರ್ಮಬಂಧನ ಛೇದಿಸುವದಿದೇ ನಾಮ
ಕರ್ಮದೋರಿ ಕೊಡುವುದು ಗುರುನಾಮ
ಬ್ರಹ್ಮಾನಂದ ಸುಖದೋರುವಾನಂದ ನಾಮ
ಧರ್ಮ ಜಾಗಿಸಿ ಕೊಡುವುದೀ ಗುರುನಾಮ ||೩||

ಅಜಮಿಳಗ ತಾರಿಸಿದುದೀ ನಾಮ
ಗಜಭಯ ಪರಿಹರಿಸಿದಿದೇ ನಾಮ
ಸುಜನರಿಗೆ ಪ್ರಸನ್ನವಾದ ನಾಮ
ಮೂಜಗಕೆ ತಾ ಮುಖ್ಯವಾದ ಗುರುನಾಮ ||೪||

ಅಹಲ್ಯ ಉದ್ಧರಣ ಮಾಡಿದುದಿದೇ ನಾಮ
ಪ್ರಹ್ಲಾದನ ಪ್ರಾಣ ಕಾಯ್ದಿದೇ ನಾಮ
ಫಲುಗುಣಗ ತಾ ಪಕ್ಷವಾದುದಿದೇ ನಾಮ
ಒಲಿದು ಧ್ರುವಗ ಢಳವಿತ್ತ ಗುರುನಾಮ ||೫||

ಅಗಣಿತ ಗುಣ ಪರಿಪೂರ್ಣವಾದ ನಾಮ
ಸುಗಮ ಸುಪಥಸಾಧನ ಇದೇ ನಾಮ
ಯೋಗಿಜನ ಸೇವಿಸುವ ನಿಜನಾಮ
ನಿರ್ಗುಣಾನಂದವಾಗಿಹ ಗುರುನಾಮ ||೬||

ಸೂರ್ಯಚಂದ್ರ ಸಮಸ್ತವಂದ್ಯ ಇದೇ ನಾಮ
ಕಾರ್ಯಕಾರಣವಾಗಿಹ ಇದೇ ನಾಮ
ತೂರ್ಯಾವಸ್ಥೆಯೊಳಗೆ ಸೂರಿಗೊಂಬೋ ನಾಮ
ತರಳ ಮಹಿಪತಿ ತಾರಕ ಗುರುನಾಮ ||೭||
***

ರಾಗ ತೋಡಿ , ದೀಪಚಂದಿ ತಾಳ (raga tala may differ in audio)

ಗುರುನಾಮ ಸ್ಮರಿಸಿರೊ ಶ್ರೀಗುರುನಾಮ ಸುರುಮುನಿಜರ ಪ್ರಿಯವಾದ ನಾಮ ಪ 

ಬ್ರಹ್ಮ ವಿಷ್ಣುರುದ್ರರಿಗಿದೆ ನಿಜನಾಮ ಪ್ರೇಮದಿಂದ ಸ್ಮರಿಸುವರು ಇದೆ ನಾಮ ಸಮಸ್ತ ಲೋಕಕ್ಕೆ ಸಾರವಾದ ನಾಮ ನೇಮದಿಂದ ತಾರಿಸುವ ದಿವ್ಯನಾಮ 1 

ಸಕಲಾಗಮ ಪೂಜಿತರಿದೆ ನಾಮ ಏಕೋಮಯವಾಗಿ ದೋರುವದಿದೆನಾಮ ಶುಕವಾಮ ದೇವರಿಗಿದೆ ನಿಜ ನಾಮ ಸುಖ ಸರ್ವರಿಗೆ ದೋರುವ ಗುರುನಾಮ 2 

ಕರ್ಮಬಂಧನ ಛೇದಿಸುವದಿದೆ ನಾಮ ಕರ್ಮದೋರಿ ಕೊಡುವದೀ ಗುರುನಾಮ ಬ್ರಹ್ಮಾನಂದ ಸುಖದೊರುವಾನಂದ ನಾಮ ಧರ್ಮ ಜಾಗಿಸಿಕೊಡುವದೀ ಗುರುನಾಮ 3 

ಅಜಮಿಳಗೆ ತಾರಿಸಿದಿದೇ ನಾಮ ಗಜಭಯ ಪರಿಹರಿಸಿದಿದೆ ನಾಮ ಸುಜನರಿಗೆ ಸುಪ್ರಸನ್ನವಾದ ನಾಮ ಮೂಜಗಕೆ ತಾಮುಖ್ಯವಾದ ಗುರುನಾಮ 4 

ಅಹಲ್ಯ ಉದ್ಧರಣ ಮಾಡಿದುದಿದೆ ನಾಮ ಪ್ರಲ್ಹಾದÀನ ಪ್ರಾಣಗಾಯಿದಿದೆ ನಾಮ ಫಲುಗುಣ ತಾ ಪಕ್ಷವಾದದುದಿದೆ ನಾಮ ಒಲಿದು ಧ್ರುವಗಥಳವಿತ್ತ ಗುರುನಾಮ 5 

ಅಗಣಿತ ಗುಣ ಪರಿಪೂರ್ಣವಾದ ನಾಮ ಸುಗಮ ಸುಪಥಸಾಧನ ಇದೆ ನಾಮ ಯೋಜನ ಸೇವಿಸುವ ನಿಜನಾಮ ನಿರ್ಗುಣಾನಂದವಾಗಿಹ್ಯ ಗುರುನಾಮ6 

ಸೂರ್ಯಚಂದ್ರ ಸಮಸ್ತವಂದ್ಯ ಇದೆ ನಾಮ ಕಾರ್ಯಕಾರಣವಾಗಿಹ್ಯ ವಿದೆ ನಾಮ ತೂರ್ಯಾವಸ್ಥೆ ಯೊಳಗೆ ಸೂರಿಗೊಂಬು ನಾಮ ತರಳಮಹಿಪತಿ ತಾರಕ ಗುರುನಾಮ 7

***