ಯೋಗಧರತಾತಕಘ ಲೋಕಪತಿ ದೇವಸಿರಿ ankita pranesha vittala

by ಪ್ರಾಣೇಶದಾಸರು

ಯೋಗಧರತಾತ ಕಭ ಲೋಕಪತಿ ದೇವ ಸಿರಿ l

ಯೋಗ ನಿನಪದಕೆ ಶರಣೆಂಬುವೆನೊ ಕಾಯೋ ll ಪ ll

ಯೋಗಾಂಡದೊಳ ಹೊರಗೆ ವ್ಯಾಪ್ತನೆ ಗುಣರಹಿತನೆ l

ಯೋಗಾಂಬರಧರ ಘ - ಮುಖಜನಕ l

ಯೋಗಗಾತ್ರ ಷ ದೂರ ವರ್ಗದ್ವಯ ಅವತಾರ l

ಯೋಗಪಾಣೀಸುತ ಪ್ರೀಯ ಸುಮತಿಕೊಡು ಜೀಯ ll 1 ll

ಯೋಗರಾಯಗೆ ಅದೇ ಪದವಿ ಕರುಣಿಸಿ ಕೊಟ್ಟೆ l

ಯೋಗೇಶಣಾಸ್ತ್ರ ಪಿತ ದಂತಿವರದ l

ಯೋಗದಲಿ ಮನಸು ನಿಶ್ಚೈಸೊ ಹ ಕರ್ತೃತ್ವ l

ಯೋಗಫಲ ಸ್ವೀಕರಿಸುತಿಹ ಕಂಜನಾಭ ll 2 ll

ಯೋಗನಾಗೆಯೋ ದುರ್ಮತಿಗಳಿಗೆಂದಿಗೂ ನೀನು l

ಯೋಗಿಜನವಂದ್ಯ ಹ ನಾರಿಪತಿ ನಿನ್ನ l

ಯೋಗ ಸೇವಕರೊಳಿಡೋ ಪ್ರಾಣೇಶವಿಟ್ಠಲನೇ l

ಯೋಗಹ್ರಾಸ ವಿವರ್ಜ ಘಟಜ ಕರಪೂಜ್ಯ ll 3 ll

***

(ಯೋಗಧರತಾತ - ತ್ರಿಶೂಲಧರನಾದ ಮಹಾರುದ್ರನ ತಾತ, ಶ್ರೀಹರಿ, ಶೂಲನಾಮಕ ಯೋಗ

ಕಭ ಲೋಕಪತಿ - ಕ, ವರ್ಗದ ಒಂದನೆಯ ಅಕ್ಷರ, ಭ, ವರ್ಗದ ನಾಲ್ಕನೆಯ ಅಕ್ಷರ, ಕ ಭ - 14, ಹದಿನಾಲ್ಕು, ಲೋಕಗಳ ಒಡೆಯ,

ಸಿರಿ ಯೋಗ - ಲಕ್ಷ್ಮಿಗೆ ಗಂಡ, ಇಂದು ಗಂಡ ನಾಮಕ ಯೋಗ

ಯೋಗಾಂಡ - ಬ್ರಹ್ಮಾಂಡ, ಬ್ರಹ್ಮನಾಮಕ ಯೋಗ

ಯೋಗಾಂಭಾರಧರ - ಶುಕ್ಲಾಂಬರಧರ, ಶುಕ್ಲ ನಾಮಕ ಯೋಗ

ಘ ಮುಖ ಜನಕ - ಕ, ವರ್ಗದ ನಾಲ್ಕನೆಯ ಅಕ್ಷರ, ಚತುರ್ಮುಖ ಜನಕ

ಯೋಗಗಾತ್ರ - ಶೋಭನಗಾತ್ರ, ಶೋಭನನಾಮಕ ಯೋಗ

ಷ ದೂರ - ಷ ಅವರ್ಗೀಯದಲ್ಲಿ ಆರನೆಯ ಅಕ್ಷರ, ಅರುದೂರ

ವರ್ಗದ್ವಯ ಅವತಾರ - ಎರಡು ವರ್ಗಗಳಲ್ಲಿ ಹತ್ತು ಅಕ್ಷರಗಳು, ಹತ್ತು ಅವತಾರ

ಯೋಗಪಾಣಿ ಸುತಪ್ರೀಯ - ವಜ್ರಪಾಣಿಯಾದ ಇಂದ್ರನಸುತ ಪ್ರೀಯನಾದ ಶ್ರೀಹರಿ, ವಜ್ರ ನಾಮಕ ಯೋಗ

ಯೋಗರಾಯ - ಧ್ರುವರಾಯ, ಧ್ರುವನಾಮಕ ಯೋಗ, ಅದೇ ಪದವಿ ..... ಧ್ರುವ ಸ್ಥಿರವಾದ ಪದವಿ ಕರುಣಿಸಿಕೊಟ್ಟ.

ಯೋಗೇಶ - ಸಿದ್ಧರಿಗೆ ಈಶ, ಸಿದ್ಧನಾಮಕ ಯೋಗೇಶಣಾಸ್ತ್ರಪಿತ - ಟ, ವರ್ಗ ಪಂಚಮ ಅಕ್ಷರ, ಪಂಚ ಬಾಣ ಪಿತ.

ದಂತಿವರದ - ಶ್ರೀ ಹರಿ, ಗಜೇಂದ್ರಮೋಕ್ಷ

ಯೋಗದಲಿ ಮನಸು ನಿಶ್ಚಯಿಸು - ಸುಕರ್ಮದಲ್ಲಿ ಮನಸ್ಸು ನಿಶ್ಚಯಿಸು, ಸುಕರ್ಮ ನಾಮಕ ಯೋಗ

ಹ ಕರ್ತೃತ್ವ - ಹ, ಎಂಟನೆಯ ಅಕ್ಷರ, ಅಷ್ಟ ಕರ್ತೃತ್ವ.

ಯೋಗಫಲ - ಶುಭಫಲ, ಶುಭ ಯೋಗ

ಕಂಜನಾಭ - ಪದ್ಮನಾಭ

ಯೋಗನಾಗಿಯು - ಸಾಧ್ಯನಾಗಿ, ಸಾಧ್ಯನಾಮಕಫಲ

ಯೋಗಹ್ರಾಸ ವಿವರ್ಜ - ವೃದ್ಧಿಹ್ರಾಸ ವರ್ಜಿತ, ವೃದ್ಧಿ ಯೋಗ

ಘಟಜ - ಕೊಡದಿಂದ ಹುಟ್ಟಿದವನು ಅಗಸ್ತ್ಯ, ದ್ರೋಣ)

***

ಯೋಗಧರತಾತಕಘ ಲೋಕಪತಿ ದೇವಸಿರಿ|ಯೋಗ ನಿನ ಪದಕೆ ಶರಣೆಂಬುವೆನೊ ಕಾಯೋ ಪ

ಯೋಗಾಂಡದೊಳ ಹೊರಗೆ ವ್ಯಾಪ್ತನೆ ಗುಣರಹಿತನೆ |ಯೋಗಾಂಬರ ಧರ ಘ-ಮುಖ ಜನಕ ||ಯೋಗಗಾತ್ರಷ ದೂರ ವರ್ಗದ್ವಯ ಅವತಾರ |ಯೋಗ ಪಾಣೀ ಸುತ ಪ್ರಿಯ ಸುಮತಿ ಕೊಡು ಜೀಯ 1

ಯೋಗರಾಯಗೆ ಅದೇಪದವಿಕರುಣಿಸಿ ಕೊಟ್ಟೆ |ಯೋಗೇಶಣಾಸ್ತ್ರ ಪಿತದಂತಿವರದ||ಯೋಗದಲಿ ಮನಸು ನಿಶ್ಚೈಸೊ ಹಾ ಕರ್ತೃತ್ವ |ಯೋಗಫಲ ಸ್ವೀಕರಿಸುತಿಹ ಕಂಜನಾಭ 2

ಯೋಗನಾಗೆಯೋ ದುರ್ಮತಿಗಳಿಗೆಂದಿಗೂ ನೀನು |ಯೋಗಿಜನ ವಂದ್ಯ ಹಾ ನಾರೀಪತಿ ನಿನ್ನ ||ಯೋಗ ಸೇವಕರೊಳಿಡೋ ಪ್ರಾಣೇಶ ವಿಠ್ಠಲನೇ |ಯೋಗ ಹ್ರಾಸ ವಿವರ್ಜ ಘಟಜ ಕರಪೂಜ್ಯ 3
********