ಮಂಡೆ ಬಾಗಿ ಕರವ ಮುಗಿವೆ ಕಾಯೊ ಹರಿಹರಿ ankita pranesha vittala MANDE BAAGI KARAVA MUGIVE KAAYO HARI HARI

by ಪ್ರಾಣೇಶದಾಸರು
ಮಂಡೆಬಾಗಿಕರವಮುಗಿವೆ ಕಾಯೊ ಹರಿಹರಿ |

ಪುಂಡರೀಕನಯನ ಮರೆಯಬೇಡವೊ ಹರಿಹರಿ ಪ

ಕರಿವರದನೆ ಸರ್ವಾಂತರ್ಯಾಮಿ ಹರಿಹರಿ |

ಕರುಣಾಸಾಂದ್ರ ತರುಣಿ ಮಾನಕಾಯ್ದ ಹರಿಹರಿ ||

ಶರಧಿಸುತೆಯ ರಮಣ ದೀನಬಂಧು ಹರಿಹರಿ |

ಅರಿಯೆ ನಿನ್ನನುಳಿದು ಕಾಯ್ವರನ್ನು ಹರಿಹರಿ 1

ಮೀನನಾಗಿ ವೇದಗಳನು ತಂದೆಹರಿಹರಿ|

ಆ ನಗವನು ಪೊತ್ತು ಅಮೃತವೆರೆದೆಹರಿಹರಿ||

ನೀನೇ ವರಾಹನಾಗಿಯವನಿಯ ತಂದೆಹರಿಹರಿ|

ದಾನವನುದರವ ಬಗೆದು ಅಂದುಹರಿಹರಿ 2

ಚಿಕ್ಕ ರೂಪದಿಂದ ಬಲಿಯ ತುಳಿದೆಹರಿಹರಿ|

ಸೊಕ್ಕಿದರಸುಗಳನು ಸವರಿಬಿಟ್ಟೆಹರಿಹರಿ||

ರಕ್ಕಸರನು ಕೊಂದು ಸತಿಯ ತಂದೆಹರಿಹರಿ|

ಅಕ್ಕರದಲಿ ಪಾರಿಜಾತ ತಂದೆಹರಿಹರಿ3

ಅಂಬರವನು ತೊರೆದೆ ಬೌದ್ಧನಾಗಿ ಹರಿಹರಿ |

ಕುಂಭಿಣಿಯೊಳು ಕುದುರೆಯೇರಿ ಮೆರೆದೆಹರಿಹರಿ||

ಶಂಬರಾಂ ಜನಕ ಧರ್ಮತನಯಹರಿಹರಿ|

ಅಂಬುಜಾಸನಾದಿ ದಿವಿಜವಂದ್ಯಹರಿಹರಿ4

ಶೌರಿರಘುಜ ಮುನಿಜ ಪ್ರಾಣೇಶ ವಿಠಲಹರಿಹರಿ|

ಸಾರಿದ ಶರಣರಿಗೆ ಕಲ್ಪತರುವೆಹರಿಹರಿ||

ಘೋರದುರಿತವನಕೆ ಧನಂಜಯನೆ ಹರಿಹರಿ |

ಭಾರನಿನ್ನದೆವೆ ಹೇಳಲ್ಯಾಕೆಹರಿಹರಿ 5
***

ಮಂಡೆಬಾಗಿ ಕರವ ಮುಗಿವೆ ಕಾಯೊ ಹರಿಹರಿ

ಪುಂಡರೀಕನಯನ ಮರೆಯಬೇಡವೊ ಹರಿಹರಿ ll ಪ ll

ಕರಿವರದನೆ ಸರ್ವಾಂತರ್ಯಾಮಿ ಹರಿಹರಿ l

ಕರುಣಾಸಾಂದ್ರ ತರುಣಿ ಮಾನಕಾಯ್ದ ಹರಿಹರಿ l

ಶರಧಿಸುತೆಯರಮಣ ದೀನಬಂಧು ಹರಿಹರಿ l

ಅರಿಯೆ ನಿನ್ನನುಳಿದು ಕಾಯ್ವರನ್ನು ಹರಿಹರಿ ll 1 ll

ಮೀನನಾಗಿ ವೇದಗಳನು ತಂದೆ ಹರಿಹರಿ l

ಆ ನಗವನು ಪೊತ್ತು ಅಮೃತವೆರೆದೆ ಹರಿಹರಿ l

ನೀನೇ ವರಾಹನಾಗಿಯವನಿಯ ತಂದೆ ಹರಿಹರಿ l

ದಾನವನುದರವ ಬಗೆದು ಅಂದು ಹರಿಹರಿ ll 2 ll

ಚಿಕ್ಕ ರೂಪದಿಂದ ಬಲಿಯ ತುಳಿದೆ ಹರಿಹರಿ l

ಸೊಕ್ಕಿದರಸುಗಳನು ಸವರಿಬಿಸುಟೆ ಹರಿಹರಿ l

ರಕ್ಕಸರನು ಕೊಂದು ಸತಿಯ ತಂದೆ ಹರಿಹರಿ l

ಅಕ್ಕರದಲಿ ಪಾರಿಜಾತ ತಂದೆ ಹರಿಹರಿ ll 3 ll

ಅಂಬರವನು ತೊರೆದೆ ಬೌದ್ಧನಾಗಿ ಹರಿಹರಿ l

ಕುಂಭಿಣಿಯೊಳು ಕುದುರೆಯೇರಿ ಮೆರೆದೆ ಹರಿಹರಿ l

ಶಂಬರಾರಿಜನಕ ಧರ್ಮತನಯ ಹರಿಹರಿ l

ಅಂಬುಜಾಸನಾದಿ ದಿವಿಜವಂದ್ಯ ಹರಿಹರಿ ll 4 ll

ಶೌರಿ ರಘುಜ ಮುನಿಜ ಪ್ರಾಣೇಶವಿಟ್ಠಲ ಹರಿಹರಿ l

ಸಾರಿದ ಶರಣರಿಗೆ ಕಲ್ಪತರುವೆ ಹರಿಹರಿ l

ಘೋರ ದುರಿತವನಕೆ ಧನಂಜಯನೆ ಹರಿಹರಿ l

ಭಾರ ನಿನ್ನದೇವೆ ಹೇಳಲ್ಯಾಕೆ ಹರಿಹರಿ ll 5 ll

***