ಬಾ ಹರಿ ಭಕುತರ ಭಯ ಪರಿಹರಿಸುತ ankita kamalanabha vittala

 ..

kruti by Nidaguruki Jeevubai

ಬಾ ಹರಿ ಭಕುತರ ಭಯ ಪರಿಹರಿಸುತ

ಸರಸಿಜ ಸದನೆಯರೊಡಗೂಡಿ ನಲಿಯುತ ಪ

ನೀರೊಳು ಮುಳುಗಿ ಮೀನನೆಂದೆನಿಸಿ

ಭಾರವ ಪೊತ್ತಿಹ ಕೂರ್ಮನೆ ಜವದಿ 1

ಕೋರೆಗಳಿಂದ ಧಾರುಣಿತಂದ

ಕ್ರೂರನುದರ ಕರುಳ್ಹಾರವೆ ಚಂದ 2

ಮೂರಡಿ ಭೂಮಿಯ ಬೇಡುತ ಬಂದೆ

ನಾಡೊಳು ಕೊಡಲಿಯ ಪಿಡಿಯುತ ನಿಂದೆ3

ಸೇತುವೆ ಕಟ್ಟುತ ಸೀತೆಯ ತಂದೆ

ಪಾತಕಿ ಕಂಸನ ನಾಶವ ಗೈದೆ4

ಬುದ್ಧನೆಂದೆನಿಸಿದೆ ಶುದ್ಧಮೂರುತಿಯ

ಮುದ್ದು ತೇಜಿಯ ನೇರುತ ಮೆರೆದವನೆ 5

ಬಾ ಮುರವೈರಿ ಬಾ ಬಾರೊ ಶೌರಿ

ಭಾಸುರ ವಂದ್ಯ ಬಾ ಮುದದಿಂದ6

ಬಿಡದೆ ನಿನ್ನಯ ಪಾದ ದೃಢದಿ ಭಜಿಪೆನೈ

ಕಡಲ ಶಯನ ಕಮಲನಾಭ ವಿಠ್ಠಲನೆ 7

***