ಪಂಚಶರ ಪಿತನೆ ಅಹಿಮಂಚದಲಿ ಮಲಗಿಹನೆ ankita gurupranesha vittala

 .. by ಗುರುಪ್ರಾಣೇಶ ವಿಠಲ

ಸುವ್ವಿ ಪದ

ರಾಗ –  :  ತಾಳ –

ಪಂಚಶರಪಿತನೆ ಅಹಿಮಂಚದಲಿ ಮಲಗಿಹನೆ l

ಪಂಚಾನನಾದಿ ಸುರವಂದ್ಯ l ಸುರವಂದ್ಯ ದುರಿತಾರಿ l

ಪಂಚಾಶ್ಯ ವದನ ಸಲಹೆಮ್ಮ ll ೧ ll

ಅಂಬುಜಾಸನ ವಾಯು ಶಂಭುಸುರಮುಖ ಪೂಜ್ಯ l

ಅಂಬುಜನಾಭಾ ಅರ್ಕಾಭಾ l ಅರ್ಕಾಭಾ ಯನ್ನ ಕು l

ಟುಂಬ ಸಲಹುವದೋ ನರಸಿಂಹಾ ll ೨ ll

ಘೋರ ದುರಿತಗಳ ಪರಿಹಾರ ಮಾಳ್ಪರ ಕಾಣೆ l

ನಾರಸಿಂಹನೆ ನಿನ್ವೆತಿರಿಕ್ತಾ l ವ್ಯತಿರಿಕ್ತ ಕಾರುಣ್ಯಸಿಂಧು ಸಂ l

ಸಾರಾಬ್ಧಿಯಿಂದಾ ಕಡೆಗೆತ್ತೊ ll ೩ ll

ಕಲಿಕಲುಷದಿಂ ಮನಸು ಮಲಿನವಾಗಿದೆ ದೇವ l

ಉಳಿವ ಬಗೆ ಕಾಣೆ ಕಲಕಾಲ l ಕಲಕಾಲ ಕರುಣದಲಿ l

ಸಲಹುವದು ನೀನೆವೆ ಬಲ್ಲೀ ll ೪ ll

ನೀನೊಲಿದು ಕೊಟ್ಟದ್ದು ಏನಾದರೂ ಇರಲಿ l

ಸಾನುರಾಗದಲಿ ಸವಿವಂಥಾ l ಸವಿವಂಥ ಮತಿ ಇತ್ತು ಗುರುಪ್ರಾ l

ಣೇಶವಿಟ್ಠಲಾ ಪೊರಿಯಮ್ಮಾ ll ೫ ll

***

ಪಂಚಶರ ಪಿತನೆ ಅಹಿಮಂಚದಲಿ ಮಲಗಿಹನೆ |ಪಂಚಾನನಾದಿ ಸುರವಂದ್ಯ | ಸುರವಂದ್ಯ ದುರಿತಾರಿ |ಪಂಚಾಸ್ಯ ವದನ ಸಲಹೆಮ್ಮ 1

ಅಂಬುಜಾಸನ ವಾಯು ಶಂಭುಸುರಮುಖ ಪೂಜ್ಯ |ಅಂಬುಜಾನಾಭಿ ಅರ್ಕಾಭಾ | ಅರ್ಕಾಭಾ ಎನ್ನ ಕು- |ಟುಂಬ ಸಲಹುವದೊ ನರಸಿಂಹ 2

ಘೋರ ದುರಿತಗಳ ಪರಿಹಾರ ಮಾಳ್ಪರ ಕಾಣೆ |ನಾರಸಿಂಹನೆ ನಿನ್ನ ವ್ಯತಿರಿಕ್ತ | ವ್ಯತಿರಿಕ್ತ |ಕಾರುಣ್ಯಸಿಂಧು ಸಂಸಾರಾಬ್ಧಿಯಿಂದ ಕಡೆಗೆತ್ತೊ 3

ಕಲಿಕಲುಷದಿಂ ಮನಸು ಮಲಿನವಾಗಿದೆ ದೇವಉಳಿವ ಬಗಿ ಕಾಣೆ ಕಲಿಕಾಲ | ಕಲಿಕಾಲ ಕರುಣ |ದಲಿ ಸಲಹುವದು ನೀನೆ ಬಲ್ಲಿ 4

ನೀನೊಲಿದು ಕೊಟ್ಟದ್ದು ಏನಾದರೂ ಇರಲಿ |ಸಾನುರಾಗದಲಿ ಸವಿವಂಥ | ಸವಿವಂಥ ಮತಿ | ಇತ್ತು ಗುರು ಪ್ರಾಣೇಶ ವಿಠಲಾ ಪೊರಿಯಮ್ಮಾ5

***