ಶ್ರೀನಿವಾಸನೆ ನಿನ್ನ ನಾಮದಿಂದಲಿ ಯನಗೆ ankita pradyumna vittala

 ರಾಗ - : ತಾಳ -

ಶ್ರೀನಿವಾಸನೆ ನಿನ್ನ ನಾಮದಿಂದಲಿ ಯನಗೆ l

ಮಾನ ಬಹುಮಾನುಂಟೆ ನಾರಾಯಣಾ l

ಏನೇನು ವಲ್ಲೆ ಇದರೆನ್ನ ಹೆಚ್ಚಿಗೆ ನಿನ್ನ l

ನಾನು ಬೇಡುವನಲ್ಲ ನಾರಾಯಣಾ ll ಪ ll

ಚಿತ್ತ ಚಿಂಚಲ ಬಿಡಿಸು ನಿತ್ಯ ಅಮೃತವ ಕುಡಿಸು l

ಉತ್ತುಮಾದತಿ ಶ್ರದ್ಧೆ ನಾರಾಯಣ l

ಯೆತ್ತತ್ತ ತೊಲಗದಂತೆ l

ಚಿತ್ತೈಸಬೇಕೊ ತ್ವರ ನಾರಾಯಣಾ ll 1 ll

ಜ್ಞಾನವನು ನೀ ಬಲಿಸು ಧ್ಯಾನವನು ದೃಢ ನಿಲಿಸು l

ವಾಣಿಯಿಂದಲಿ ವಚನ ನಾರಾಯಣ l

ಮಾಣದಲೆ ನಡಸು ಸುರಧೇನು ಸುರತರು l

ಅನುಮಾನ ಮಾಡುವದ್ಯಾಕೊ ನಾರಾಯಣ ll 2 ll

ಆರಾರು ಎನಗಿಲ್ಲ ಅಧಮಾಧಮನಿಹೆನೊ l

ದೂರ ನೋಡಲಿಬ್ಯಾಡ ನಾರಾಯಣ ಪೂರ್ಣ l

ದಯವಿರಲಯ್ಯ ಪ್ರದ್ಯುಮ್ನವಿಟ್ಠಲ ಕೇಳ್ l

ಕ್ಷೀರಸಾಗರಶಾಯಿ ನಾರಾಯಣ ll 3 ll

***