ಗಜುಗನಾಡುತಲಿರ್ದನು ನಮ್ಮ ರಂಗ purandara vittala

ರಾಗ ಕೇದಾರಗೌಳ. ಛಾಪು ತಾಳ

ಗಜುಗನಾಡುತಲಿರ್ದನು ನಮ್ಮ ರಂಗ ||ಪ||
ವ್ರಜದ ಮಕ್ಕಳ ಕೂಡ ಹರುಷದಿಂದಲಿ ಬಲು ||ಅ ||

ಒಂದನ್ನೆ ಹಾರಿಸಿದ ವೇಗದಿ ಮ-
ತ್ತೊಂದರಿಂದಲಿ ತಾ ಬಡೆದ
ಒಂದೆ ಬಾರಿಗೆ ಎಲ್ಲ ಗಜುಗವ ಗೆಲಿದನು ||

ಬಚ್ಚಿಟ್ಟ ಗಜ್ಜುಗವ ಹುಡುಕೆಂದು
ಅಚ್ಯುತ ನಗುತ ನಿಂತ
ಮುಚ್ಚಿಟ್ಟ ಗಜುಗವು ದೊರಕಲಿಲ್ಲವೊ ಒಂದು ||

ಕಾಕಾಚಿ ಕೊಂಡ್ಹೋಯಿತು ಎನುತಲಿ ರಂಗ
ಆಕಾಶವನು ತೋರಿದ
ಬೇಕಾದ ಗಜುಗವ ನಿಮಗೆ ತರುವೆ ಎಂದ ||

ಗಜುಗ ಗಿಡಗಳನೇಕ ತೋರಿದವಯ್ಯ
ಗಜುಗ ಗೊಂಚಲುಗಳನೇಕ
ಗಜುಗದ ಗಂಟುಗಳ ಕಟ್ಟಿದರು ಮಕ್ಕಳು ||

ಪರಿ ಪರಿ ಗಜುಗದಾಟ ಮಕ್ಕಳ ಸಂಗಡ
ಗೆರೆಯ ದಾಟುವ ಆಟವು
ನೆರೆಹೊರೆ ಮಕ್ಕಳ ಕೂಡ ಸಂಭ್ರಮ ಮಾತು ||

ಬೊಮ್ಮನ ಪಡೆದಂಥ ಚಿಕ್ಕ ಕೂಸು
ಅಮ್ಮನ ತೊಡೆಯ ಮೇಲೆ
ಗಮ್ಮನೆ ಮಲಗಿದ ಆಟಂಗಳನೆ ಬಿಟ್ಟು ||

ಸುರರು ವಂದಿಸಿ ನಿಲ್ಲಲು ಯಕ್ಷ ಕಿನ್ನರರು
ಸ್ವರವೆತ್ತಿ ಸ್ತುತಿಗೈಯಲು
ದೊರೆ ತಂದೆ ಪುರಂದರವಿಠಲನು ಒಪ್ಪಿದ ||
***

pallavi

gajuganADutalirdanu namma ranga

anupallavi

vrajada makkaLa kUDa haruSadindali balu

caraNam 1

ondanne hArisida vEgadi mattondarindali

tA baDeda onde bArige ella gajugava gelidanu

caraNam 2

bacciTTa gajjugava huDukendu acyuta naguta

ninta mucciTTa gajugavu dorakalillavo enda

caraNam 3

kAkAci koNDhOyitu enutali ranga AkAshavanu

tOrida bEkAda gajugava nimage taruve enda

caraNam 4

gajuga kiDagaLanEka tOridavayya gajuga

goncalugaLanEka gajugada gaNTugaLa kaTTidaru makkaLu

caraNam 5

pari pari gajugadATa makkaLa sankaTa gereyadADuva

Atavu nere hore makkaLa kUDa sambhrama mAtu

caraNam 6

bommana paDEdantha cikka kUsu ammana toDeya

mEle gammane malagida AdangaLane biTTu

caraNam 7

suraru vandisi nillalu yakSa kinnararu svaravetti

stuti kaiyalu dore tande purandara viTTalanu oppida

***