ಸದಾ ಮೊಳಗುತಿರಲಿ others SADAA MOLAGUTIRALI rss

 

RSS song  

ಸದಾ ಮೊಳಗುತಿರಲಿ ದುಂದುಭಿಯ ಘೋಷ

ಪ್ರತಿನಿಧಿಸಿ ಪ್ರತಿಧ್ವನಿಸಿ ದಿಗ್ವಿಜಯದಾಶಾ ||ಪ||

ಪಾಂಡುರಂಗನ ಖಂಡ  ಪಾಂಚಜನ್ಯದ ಧ್ವನಿಗೆ

ಪಾಂಡವರ ಗುಂಡಿಗೆಯು ಗರಿಗೆದರಿದಂತೆ

ಚಂಡಿ ಚಾಮುಂಡಿಯರ ಅಟ್ಟಹಾಸವ ಕಂಡು

ಭಂಡ ರುಂಡಗಳಂದು ಧರೆಗುರುಳಿದಂತೆ ||೧||

ಪ್ರಳಯ ರುದ್ರನ ಡಮರು ವಾದನದ ಸ್ಪಂದನದಿ

ತಾಂಡವದ ತಾಳಲಯ ರೂಪುಗೊಂಡಂತೆ

ಸ್ವರ್ಗದಿಂ ಧುಮ್ಮುಕ್ಕಿ ಭೋರ್ಗರೆವ ಜಲಧಾರೆ

ಜಗದಗಲ ಸಂಭ್ರಮದಿ ಹರಿದಾಡಿದಂತೆ ||೨||

ಭರತಖಂಡ ಪ್ರಚಂಡ ಗಂಡುಗಲಿಗಳ ತಂಡ

ಚಂಡಮಾರುತದಂತೆ ಅಪ್ಪಳಿಸಿದಾಗ

ಅಖಿಲ ಭೂಮಂಡಲವೆ ಥರಥರನೆ ಕಂಪಿಸುತ

ವೈರಿಕುಲ ಉದ್ಧಂಡ ಶರಣು ಬಂದಾಗ ||೩||

ರಿಪು-ಧಮನಿಗಳ ದಮನ ಖಳ ಶಕುನಿಗಳ ಶಮನ

ಗಮನವೆಮ್ಮದು ಗಹನ ಗಗನದೆಡೆಗೆ

ನಿಲ್ಲದಿದು ರಣಘೋಷ ವಾದನದ ಅನುರಣನ

ಗೆಲ್ಲುವುದೆ ಗುರಿಯೆಮದು ಕಟ್ಟಕಡೆಗೆ ||೪|

***