ವೆಂಕಟೇಶ ನೀನೆ ಧೊರೀ ಧೊರೀ ಸಂಕಟವೆಲ್ಲವ ಪರಿಹರಿಸುವಂಥ ankita shreeda vittala

 ..

kruti by Srida Vittala Dasaru  Karjagi Dasappa

ವೆಂಕಟೇಶ ನೀನೆ ಧೊರೀ ಧೊರೀ ಪ

ಸಂಕಟವೆಲ್ಲವ ಪರಿಹರಿಸುವಂಥ ಅ.ಪ.

ಎತ್ತಿನ ಪೆಸರುಳ್ಳ ಮತ್ತ ರಕ್ಕಸನ್ನ

ಕುತ್ತಿಗೆ ಕೊಡಲುತ್ತಮ ಪದವಿತ್ತೆ 1

ಅಂಜನೆಯೆಂಬೊ ಮಂಜುಕಿಸಾಲಿಯ [?]

ಅಂಜದೆ ತಪಿಸಲು ಸಂಜೀವನವಿತ್ತೆ2

ಸಾಸಿರ ಮುಖವುಳ್ಳ ಶೇಷನಹಂಕಾರ

ಸ್ವಸನನ ಕೈಯಿಂದ ನಾಶಮಾಡಿಸಿದಂಥ3

ಮಾಧವ ಮಾದಿಗ ಹಾದಿಯ ಮೆಟ್ಟಲು

ಮೋದದಿಂದುದ್ಧರಿಸಿದೆ ಮಾಧವ ಅವನನ್ನು 4

ಶ್ರೀದವಿಠಲ ನಿನ್ನ ಪಾದಾಶ್ರಿತರ

ಮೋದದಿ ಸಲಹೊ ಆದರಿಸೆನ್ನನು 5

***