ಪೊರೆಯಬೇಕೋ ಎನ್ನ ಶ್ರೀ ನರಹರಿಯೆ ಕೇಳೋ ಮುನ್ನಾ ankita narahari P

 ..

kruti by pradyumna teertha ಪ್ರದ್ಯುಮ್ನತೀರ್ಥರು

ಪೊರೆಯಬೇಕೋ ಎನ್ನ ಶ್ರೀ ನರ

ಹರಿಯೆ ಕೇಳೋ ಮುನ್ನಾ ಪ

ನೀ ಪೊರೆಯದಿರಲು ಈ ಪೊಡವಿಯೊಳಗೆ

ಕಾಪಾಡುವರನು ಕಾಣೆ ನಿನ್ನಾಣೆ ಮನ್ನಣೆಯಲಿ ಅ.ಪ

ನೀರ ಪೊಕ್ಕರು ಬಿಡೆನೋ ಬೆನ್ನಲಿ

ಭಾರ ಪೊತ್ತರು ಬಿಡೆನೋ

ಕೋರೆಯ ಬೆಳೆಸಿ ನೀ ಘೋರ ರೂಪನಾಗಿ

ತಿರುಕನೆಂದು ಪೇಳಲು ಬಿಡೆನೋ 1

ಕೊಡಲಿ ಪಿಡಿಯೆ ಬಿಡೆನೋ ನೀ ಘನ

ಅಡವಿ ಸೇರಲು ಬಿಡೆನೋ

ತುಡುಗನಂದದಿ ಪಾಲ್ಗಡಿಗೆ ಒಡೆದು ಸಲೆ

ಉಡುಗಿ ಜರಿದು ತುರುಗೇರಲು ಬಿಡೆನೋ 2

ಪಾಪಿ ಎಂದು ಎನ್ನ ಜರಿಯದೆ

ಕಾಪಾಡೆಲೊ ಘನ್ನ

ಶ್ರೀ ನರಹರಿಯ ನಾಮಕೆ ಪೋಪದ

ಪಾಪಗಳುಂಟೆ ಜಾಲವ ಮಾಡದೆ 3

***