ನೀ ಮಾಯೆಯೊಳಗೊ ನಿನ್ನೊಳು ಮಾಯೆಯೊ ankita neleyadikeshava NEE MAAYEYOLAGO NINNOLU MAAYEYO ಮುಂಡಿಗೆ MUNDIGE

  

ನೀ ಮಾಯೆಯೊಳಗೊ ನಿನ್ನೊಳು ಮಾಯೆಯೊ                  ।।ಪ॥ 

ನೀ ದೇಹದೊಳಗೊ ನಿನ್ನೊಳು ದೇಹವೊ                          ।।ಅ.ಪ॥ 

ಬಯಲುಲೊಳಗೆ ಆಲಯವೊ ಆಲಯದೊಳಗೆ ಬಯಲೊ 

ಬಯಲು ಆಲಯವೆರಡು ನಯನದೊಳಗೊ

ನಯನ ಬುದ್ಧಿಯ ಒಳಗೊ ಬುದ್ಧಿ ನಯನದೊಳಗೊ

ನಯನ ಬುದ್ಧಿಗಳೆರಡು ನಿನ್ನೊಳಗೊ ಹರಿಯೆ                     ।।೧।।

ಸವಿಯು ಸಕ್ಕರೆಯೊಳಗೊ ಸಕ್ಕರೆಯು ಸವಿಯೊಳಗೊ

ಸವಿಯು ಸಕ್ಕರೆಗಳೆರಡು ಜಿಹ್ವೆಯೊಳಗೊ

ಜಿಹ್ವೆ ಮನಸಿನ ಒಳಗೊ ಮನಸು ಜಿಹ್ವೆಯ ಒಳಗೊ

ಜಿಹ್ವೆ ಮನಸುಗಳೆರಡು ನಿನ್ನೊಳಗೊ ಹರಿಯೆ                     ।।೨।।

ಕುಸುಮದಲಿ ಗಂಧವೊ ಗಂಧದಲಿ ಕುಸುಮವೊ

ಕುಸುಮಗಂಧಗಳೆರಡು ಆಘ್ರಾಣದೊಳಗೊ

ಅಸಮಭವ ಕಾಗಿನೆಲೆಯಾದಿ ಕೇಶವರಾಯ

ಉಸುರಲೆನ್ನಳವಲ್ಲ ಎಲ್ಲ ನಿನ್ನೊಳಗೊ ಹರಿಯೆ                   ।।೩।।

*****

ರಾಗ :  ಕಾಂಬೋದಿ  ತಾಳ : ಝಂಪೆ (raga, taala may differ in audio)

Ni mayeyolago ninnolu mayeyo ||pa||

Ni dehadolago ninnolu dehavo ||a.pa||

Bayalulolage Alayavo alayadolage bayalo

Bayalu alayaveradu nayanadolago

Nayana buddhiya olago buddhi nayanadolago

Nayana buddhigaleradu ninnolago hariye ||1||

Saviyu sakkareyolago sakkareyu saviyolago

Saviyu sakkaregaleradu jihveyolago

Jihve manasina olago manasu jihveya olago

Jihve manasugaleradu ninnolago hariye ||2||

Kusumadali gandhavo gandhadali kusumavo

Kusumagandhagaleradu agranadolago

Asamabava kagineleyadi kesavaraya

Usuralennalavalla ella ninnolago hariye ||3||

***