ನೆರದು ಗೋಪಿಯರೆಲ್ಲಾರು ಕೃಷ್ಣಯ್ಯನ ankita helavana katte

ನೆರದು ಗೋಪಿಯರೆಲ್ಲಾರು ಕೃಷ್ಣಯ್ಯನ ಶೆರಗಪಿಡಿದುಕೊಂಡು

ಭರದಿಂದ ಬಂದು ಯಶೋದೆಗೆ ಛಾಡಿಯ

ಅರುಹಿದರತಿ ಬೇಗದಿ ಪ.

ಬಲುಕಳ್ಳ ನಿನ್ನ ಮಗ ಗೋಪಮ್ಮ ಕೇಳೆ

ಹಾಲು ಕರವುತಿರಲು

ತೊಲೆಗೆ ನಿಚ್ಚಣಿಕೆಯ ಹಾಕದೆ ಸುರಿದಾನು

ನೆಲವಿನ ಪಾಲ್ಮೊಸರಾ 1

ಅಂಮೈಯ್ಯಾ ಇಲ್ಲಾ ಕಾಣೆ ಇವಳು ಯಂನ್ನಾ

ಸುಂಮ್ಮಾನೆ ದೂರುವಳು

ಹುಂಮ್ಮಿಂದ ನಾನವಳ ಅಟ್ಟಕ್ಕೆ ನೆಗವೊರೆ

ಬೊಮ್ಮ ಜಟ್ಟಿಗನೆ ನಾನು 2

ಮತ್ತೊರ್ವಳಿಂತೆಂದಳು ನಿಂನಮಗ

ಹತ್ತಿ ಗವಾಕ್ಷಿಯಿಂದಾ

ಬಚ್ಚಿಟ್ಟ ಬೆಣ್ಣೆಯನೆಲ್ಲಾವ

ಮೆದ್ದಾನು ಮಕ್ಕಳಿಗಿಲ್ಲದಂತೆ 3

ಗಡಿಗೆ ಬೆಣ್ಣೆಯ ಮೆಲ್ವಾರೆ ಇವನ

ಹೊಟ್ಟೆ ಕೆರೆಭಾವಿಯೇನೆ ಅಮ್ಮಾ

ಹುಡುಗರಿಗೆ ಎಂದು ಬಚ್ಚಿಟ್ಟ ಬೆಣ್ಣೆಯನೆಲ್ಲಾ

ಹೊಡೆದರವರ ಮಕ್ಕಳು 4

ಮಲಗೋಮಂಚದ ಮೇಲೆ ನಾ

ಮಲಗೀರೆ ಮೊರೆವ ಹಾವನು ಪಿಡಿದು

ಅರಿಯದಂತೆ ಬಂದು ಮುಸುಕಿ-

ನೊಳಗಿಟ್ಟು ಅರಿಯಾದೆ ಹೋದನಂಮಾ 5

ಹರನಡುಗುವ ಹಾವನು ನಾ ಪಿಡಿವಾರೆ

ತರಳಾನು ತಡೆಕಾರನೆ

ಹರಕೆಯ ಹೊತ್ತುದವಪ್ಪಿಸದಿದ್ದರೆ

ಗುರುತು ತೋರÀಲು ಬಂತೇನೊ 6

ಮಕ್ಕಳ ಪಡೆದವರುಯಿಲ್ಲದ ಕಳ

ವಿಕ್ಕಲಿ ಬಹುದೆ ಕೃಷ್ಣಗೆ

ಸಿಕ್ಕಿದ ತಪ್ಪು ಸಹಿತವೆ ತಂದರೆ ನಾನು

ತಕ್ಕ ಬುದ್ದಿಯ ಪೇಳುವೆ 7

ಅಣುಮಯರೂಪ ಕಾಣೆ

ನಿಂನಯ ಮಗ ಚಿನುಮಯ ರೂಪ ಕಾಣೆ

ಚಿನುಮಯ ರೂಪ ಹೆಳ

ವನಕಟ್ಟೆ ಆದಿಕೇಶವ ರಂಗನೆ8

****