ರಾಘವೇಂದ್ರ ಗುರು ನಂಬಿದೆ ನಿಂನಡಿಯಾ ankita ramapati vittala

 ರಾಗ - : ತಾಳ -

ರಾಘವೇಂದ್ರಗುರು ನಂಬಿದೆ ನಿಂನಡಿಯಾ ಜನುಮಜನುಮದ ವಡಿಯಾ l

ಬ್ಯಾಗ ಯನ್ನ ಕರಪಿಡಿಯೊ ದಯಾನಿಧಿಯೆ ನೀಡುವದೈ ಸುಧಿಯೆ ll ಪ ll

ಶ್ರೀ ರಾಮನ ಪದ ಆರಾಧಿಸುವಾತಾ ಪ್ರಹ್ಲಾದನೀತಾ l

ಧೀರ ರಾಜ ಬಾಹ್ಲೀಕನ್ಯೆನಿಸಿದಾತಾ ನರಹರಿ ಕರದಾತಾ l

ಕ್ರೂರ ಮಾಯಾವಾದಿಯ ಮತ ಮುರಿದಾತಾ ವ್ಯಾಸಾರ್ಯನೀತಾ l

ಶೇರಿದ ಶರಣರ ಕರುಣದಿ ಪೊರೆವಾತಾ ಅನಾಥನಾಥಾ ll ೧ ll

ಮಧ್ವ ಮತಾಬ್ಧಿಲಿ ವುದ್ಭವಿಸಿದ ಮಣಿಯೆ ಪರುಷದ ಖಣಿಯೆ l

ಶುದ್ಧ ಭಕುತಿಲ್ನರಹರಿಯ ಗುಣಿಸಿದ ಧಣಿಯೆ ಮುಕ್ತಿ ಚಿಂತಾಮಣಿಯೆ l

ಅದ್ಭುತ ಮಹಿಮೆಯು ಅಗಣಿತ ಗುಣಮಣಿಯೆ ಸಿರಿ ಇಲ್ನಿನ ಗಣಿಯೆ l

ತ್ವದ್ಭಕ್ತರ ಭವ ತಮಸಿಗೆ ದಿನಮಣಿಯೆ ಹೇ ಯತಿಶಿರೋಮಣಿಯೇ ll ೨ ll

ಅವನಿಯೊಳ್ಮಂತ್ರಾಲಯದಲ್ಲಿರುವವನೆ ಪರಮಪಾವನನೆ l

ತವಕದಿ ಭಕ್ತರು ಕರೆದಲ್ಬರುವವನೆ ತೃಪ್ತಿಯ ನೀಡುವನೆ l

ಪವನನೈಯ್ಯ ರಮಾಪತಿವಿಟ್ಠಲನ ಪದನೆ ತೋರುವ ಗುರುವರನೆ l

ಜವನ ಬಾಧಿ ಕಳಿದವಸರಕೊದಗುವನೆ ಬೇಡುವೆನೈ ಇದನೆ ll ೩ ll

***