ಇಲ್ಲೇ ಹರಿ ಇರುವ ಬಲ್ಲವರದ ನೋಡಲಲ್ಲೇ ತೋರುವ ankita raghurama vittala

   ..

ಇಲ್ಲೇ ಹರಿ ಇರುವ ಪ

ಬಲ್ಲವರದ ನೋಡಲಲ್ಲೇ ತೋರುವ ಅ.ಪ

ಗಿಡದ ಬೇರು ಕಾಂಡ ಕೊಂಬೆ ರೆಂಬೆಗಳಲ್ಲಿ

ಅಡಗಿ ಎಲೆಯೊಳ್ಹೀಚು ಹೂವ್ಕಾಯ್ಗಳಲ್ಲಿ

ಮೃಡ ಸಖನಲ್ಲಲ್ಲೆ ವಿವಿಧ ರೂಪಗಳಿಂದ

ಅಡಗಿದ್ದು ಬೆಳೆಸುವ ಕಳೆಗೊಳಿಸುವನು1

ವಸ್ತ್ರದ್ಹಾಸುಹೊಕ್ಕು ದಾರಗಳಂದದಿ

ವಿಸ್ತಾರಗೊಂಡ ಈ ಲೋಕದೊಳು

ಹಸ್ತಿವರದನಾದಿಮೂಲ ತಾ ನೆಲೆಗೊಂಡು

ಸ್ವಸ್ಥದಿ ಪೊರೆವನನಂತ ಪ್ರಾಣಿಗಳ 2

ಅನಿರುದ್ಧ ಪ್ರದ್ಯುಮ್ನ ಸಂಕರ್ಷಣ ರೂಪ

ವನು ತಾಳಿ ನಾರಾಯಣ ವಾಸುದೇವನು

ಅನಿಮಿತ್ತಬಂಧು ಚರಾಚರ ಪೃಥ್ವಿಯ

ನನುದಿನ ಪೊರೆವ ರಘುರಾಮವಿಠಲನು 3

***