ರಾಘವೇಂದ್ರ ಗುರುರಾಯ ಯನ್ನ ankita bheemesha vittala

by bheemacharya

ರಾಗ : ಶಂಕರಾಭರಣ        ತಾಳ : ಆದಿ

ರಾಘವೇಂದ್ರ ಗುರುರಾಯ ಯನ್ನ । ಪಾ ।

ಪೌಘಗಳೆಣಿಸದೆ ಪಾಲಿಸೋ ।। ಪಲ್ಲವಿ ।।

ನಾಗಶಯನನಣುಗನೇ ವಂದಿಪೆ । ಅನು ।

ರಾಗದಿ ಹರಿಯನು ತೋರಿಸು ।। ಅ. ಪ ।।

ಹೀನ ವಿಷಯಗಳ ನೋಡುತ ಮನದಲಿ ।

ಧ್ಯಾನವಗೊಳಿಸದೆ ಪೋಷಿಸು ।। ಚರಣ ।।

ಬುಧರ ಚರಣಗಳ ನಮಿಸುತಲನುದಿನ ।

ಮುದವ ಬಡುವ ಪಥವ ತೋರಿಸೋ ।। ಚರಣ ।।

ನೀಚರ ಮನೆ ಮೃಷ್ಟಾನ್ನವ ತ್ಯಜಿಸುತ ।

ಯಾಚನೆ ಮಾಡಿಸುವದೇ ಲೇಸೋ ।। ಚರಣ ।।

ಕುನರ ಜೀವಿಯ ಬಿಡಿಸುತ ಭಕುತರ ಮನೆ ।

ಶುನಕನ ಮಾಡುತ ಪಾಲಿಸೋ ।।

ಬಾಲನ ಬಿಂನಪ ಭೀಮೇಶ ವಿಠ್ಠಲನ ।

ಶೀಲ ಬಲ್ಲ ಗುರು ಲಾಲಿಸೋ ।। ಚರಣ ।।

*****