ಆವೆಂಕಟಗಿರಿ ನಿಲಯನಂಘ್ರಿ ರಾಜೀವ ankita jagannatha vittala

ರಾಗ ಶಂಕರಾಭರಣ (ಭೈರವಿ) ಆದಿತಾಳ(ಧುಮಾಳಿ)

ಆ ವೆಂಕಟಗಿರಿನಿಲಯನಂಘ್ರಿ ರಾ-
ಜೀವಯುಗ್ಮಗಳಿಗೆ ನಮಿಸುವೆನು ||ಪ||

ಸೇವಿಪ ಜನರಿಗಮರತರುವೆನಿಸಿ ಧ-
ರಾವಲಯಾಖ್ಯ ದಿವಿಯೊಳೆಸೆವ ||ಅ.ಪ||

ಆವನಂಘ್ರಿಜಲ ಸಕಲ ಜಗತ್ತಿಗೆ
ಪಾವನಕರವೆಂದೆನಿಸುವದು
ಶ್ರೀವಿಧಿಭವ ಶಕ್ರಾದ್ಯರು ಅವನ
ಸೇವಕಸೇವಕರೆನಿಸುವರು ||೧||

ದೇವೋತ್ತಮ ತಾನಾಗಿ ನಿಖಿಲ ಜಡ
ಜೀವ ಭಿನ್ನ ಕರ್ಮವ ಮಾಳ್ಪ
ಸ್ಥಾವರ ಜಂಗಮರೊಳಗೆ ನೆಲೆಸಿ ವೇ-
ದಾವಳಿಯಿಂದ ಸ್ತುತಿಸಿಕೊಂಬ ||೨||

ಮಾತರಿಶ್ವನೊಡನಹಿಪನೊರೆದ ಸ-
ತ್ವಾತಿಶಯವ ತೋರೆನುತಾಗ
ಜಾತರೂಪ ಶೈಲಾತ್ಮಜನೊಪ್ಪಿರೆ
ವೀತಿಹೋತ್ರ ಸಖ ಕಿತ್ತೊಗೆಯ ||೩||

ಪೀತಕರ್ಣನಳವಳಿದು ಸ್ತುತಿಸೆ ನಿ-
ಕೇತನತ್ರಯವ ನಿಳಿದು ಬೇಗ
ಧಾತ ಮಹಿಳೆ ತೀರ್ಥದಿ ಲಕುಮಿಸ-
ಮೇತನಾಗಿ ಮೋದಿಸುತಿಪ್ಪ ||೪||

ಭೂಸುರನೋರ್ವನು ತೊಂಡಮಾನ ಧರ-
ಣೀಶನ ನಿಲಯದಿರಿಸಿ ಸತಿಯ
ಕಾಶಿಗೆ ಪೋಗಲು ನೃಪತಿ ಮರೆಯೆ ನಿ-
ಶ್ವಾಸವನೈದಿದಳಾ ಸತಿಯು ||೫||

ಆ ಸಮಯದಿ ದ್ವಿಜವರ್ಯನು ಬೆಸಗೊಳೆ
ಕ್ಲೇಶದಿ ಭೂಮಿಪ ಸಂಸ್ತುತಿಸೆ
ಕೇಶವ ತಾನಸ್ಥಿಗಳ ತರಿಸಿ ಸು-
ವಾಸಿನಿ ಶಿಶುಸಹ ಒಲಿದಿತ್ತ ||೬||

ವೃದ್ಧ ಭೂಸುರನ ಒಯ್ದು ಸಲಿಲದೊಳ-
ಗದ್ದಿ ಕುಮಾರತ್ವವನಿತ್ತ
ಅಧ್ವರವೆಸಗುವ ಋಷಿಗಳ ವೇದಾ-
ಪದ್ಧವ ತಿದ್ದಿ ಮಖವ ಕಾಯ್ದ ||೭||

ಮಧ್ಯರಾತ್ರಿಯೊಳ್ಬೆಸಗೊಂಡ ನೃಪತಿಗೆ
ಸಿದ್ಧಿಸಿದರಿಶಂಖದ್ವಯವ
ಮೃದ್ಭಾಂಡವ ವಿರಚಿಸಿದವಗೊಲಿದು
ಚೋದ್ಯವ ನೃಪತಿಗೆ ತೋರಿಸಿದ ||೮||

ಮನವಾಕ್ಕಾಯದಿ ಕರ್ಮಜನ್ಯಫಲ
ದಿನದಿನಗಳಲಿ ಸಮರ್ಪಿಸುತ
ಮನುಜೋತ್ತಮರಾಧಿವ್ಯಾಧಿಗಳ ದು-
ರ್ಜನುಮಗಳೆಲ್ಲವ ಪರಿಹರಿಪ ||೯||

ಕುನರಗಲಭ್ಯನು ಕುವಲಯದೊಳು ಕಾ-
ರುಣಿಕ ಧರ್ಮಾಕರ್ಮಾರ್ಥಗಳ
ಜನರಿಗೆ ಸಲಿಸುವ ಜಗನ್ನಾಥವಿಠಲ
ಮನೆ ಮಾಡಿದ ಶೇಷಾಚಲವ ||೧೦||
***

pallavi

A venkaTagiri nilayananghri rAjIva yugmagaLige namisuvenu

anupallavi

sEvipa janariga marataruvenisi dharAvala yAkya diviyoLaseva

caraNam 1

avananghrijala sakala jagattige pAvana karavendenisuvadu

shrI vidhi bhava shakrAbdyaru avana sEvaka sEvakarenisuvaru

caraNam 2

dEvOttama tAnAdi nikhila jaDajIva bhinna karmava mALpa

sthAvara jangamaroLage nelasi vEdAvaLiyinda tutisi komba

caraNam 3

mAtarishvara noDana Ipanoreda satvApishayava tOrenutAga

jAtarUpa tailAtmajanoppire vItihOtra sakha kittogeya

caraNam 4

pIta karaNavaLi naLidu tutise nikEtana trayavaniLidu bEga

dhAta mahiLe tIrthadi lakumi samEtanAgi mOdisutippa

caraNam 5

bhUsura nOrvanu toNDamAna dharaNIshana nilayadirisi satiya

kAshige pOgalu nraoati mareye nishvAsavanaididaLA satiyu

caraNam 6

A samayadi dvijavaryanu besagoLa klEshadi bhUmipa samstustise

kEshava tAnastigaLatarisi suvAsini shishusaha oliditta

caraNam 7

vraddha bhUsurana voidu salila doLagaddi kumAratvanitta

adhvara vesaguva rSigaLa vEdApaddhava tiddi makhava kAida

caraNam 8

madhya rAtiyolkhesagoNDa nrapatige siddhasidari shankadvayava

mradbhANDava viracisidava golidu cOdyava nrapatige tOrisida

caraNam 9

manavAkAyadi karma janya phala dinadinagaLali samarpisuta

manujOttamarAdhi vyAdigaLa durjana magaLellava pariharipa

caraNam 10

kunaragalabhyanu kuvalayadoLu kAruNika dharma karmArthagaLa

janarige salisuva jagannAtha viThala mane mADida shESAcalava

***

another version

ಜಗನ್ನಾಥದಾಸರು
ಆ ವೆಂಕಟಗಿರಿ ನಿಲಯನಂಘ್ರಿ ರಾ
ಜೀವಯುಗಳಗಾನಮಿಸುವೆನು ಪ

ಸೇವಿಪ ಜನರಿಗಮರ ತರುವೆನಿಸಿ ಧ
ರಾವಲಯಾಖ್ಯ ದಿವಿಯೊಳೆಸವ ಅ.ಪ.

ನಿಖಿಳ ಜಗತ್ತಿಗೆ
ಪಾವನತರವೆಂದೆನಿಸುವುದು
ಶ್ರೀ ವಿಧಿಭವ ಶಕ್ರಾದ್ಯರು ಆವನ
ಸೇವಕ ಸೇವಕರೆನಿಸುವರು
ತಾ ಉತ್ತಮ ಪುರುಷನೆನಿಸಿ ಜಗವ ಸ
ದಾವಕಾಲ ಸಂತೈಸುವನು
ಜೀವಾಂತರ್ಗತನಾಗಿ ವಿವಿಧ ವೇ
ದಾವಳಿಯಿಂದ ತುತಿಸಿ ಕೊಂಬಾ 1

ಪಾತನೊಳಹಿಪ ವಿರೋಧಿಸೆ ತವಸ
ತ್ವಾತಿಶಯನ ತೋರೆಂದೆನುತಾ
ಜಾತರೂಪ ಶೈಲಾತ್ಮಜನಪ್ಪಿರೆ
ವೀತಿ ಹೋತ್ರ ಸಖ ಕಿತ್ತೊಗೆಯೆ
ವೀತ ಕರ್ನನಳವಳಿದು ವೇಗ
ಧಾತ ಮಹಿಳೆ ತೀರ್ಥದಿ ಭೂ ಲಕ್ಷ್ಮೀಸ
ಮೇತನಾಗಿ ಮೋದಿಸುತಿಪ್ಪೆ 2

ಭೂಸುರನೊರ್ವನು ತೊಂಡಮಾನ ಧರ
ಣೀಶÀನ ನಿಲಯದೊಳುಳುಹಿ ಸತಿಯ
ನೃಪತಿ ಮರೆಯೆ ನಿ
ಶ್ವಾಸ ವನೈದಿದಳಾ ಸತಿಯು
ಆ ಸಮಯದಿ ದ್ವಿಜವರ್ಯನು ಬೆಸಗೊಳೆ
ಕ್ಲೇಶದಿ ಭೂಮಿಪ ಸಂಸ್ತುತಿಸೆ
ಕೇಶವ ತಾನಸ್ಥಿಗಳ ತರಿಸಿ ಸು
ವಾಸಿನಿ ಶಿಶು ಸಹ ಒಲಿದಿತ್ತಾ 3

ವೃದ್ಧ ಬ್ರಾಹ್ಮಣನು ತುತಿಸೆ ಸಲಿಲದೊಳ
ಗದ್ದಿ ಕುಮಾರತ್ವವನಿತ್ತ
ಅಧ್ವರವೆಸಗಿದ ಋಷಿಗಳ ಮಂತ್ರದ
ಪದ್ದತಿ ತಿದ್ದಿಯಜ್ಞವ ಮಾಡ್ದ
ಮಧ್ಯರಾತ್ರಿಯೊಳು ಬೆಸಗೊಂಡ ನೃಪನು
ಪದ್ರವ ಕಳೆದಾಯುಧವಿತ್ತು
ಮೃದ್ಭಾಂಡವ ರಚಿಸುವನಿಗೊಲಿದವನ
ಚೋದ್ಯ ತೋಂಡಮಾನಗೆ ತೋರ್ದ 4

ಸಂಚಿತ ಕುಕರ್ಮಗಳ
ಮನೆಯ ಮುರಿದು ಆಗಾಮಿ ಫಲಂಗಳ
ಅನುಭವಕೀಯದೆ ಪ್ರಾರಬ್ದಾ
ಮೂರ್ತಿ ಚಿಂ
ತನೆ ಇತ್ತು ಸ್ವರೂಪಸುಖಾ
ಅನುದಿನದಲಿ ವ್ಯಕ್ತಮಾಡಿಸಿ ಕೊ
ಟ್ಟನಿಮಿತ್ತಾಪ್ತನೆನಿಸುತಿಪ್ಪ 5

ಏಕಮೇವ ರತ್ನಾಕರ ಮಂದಿರ
ಆಕೂತಿಜ ಯe್ಞÁಕರನೇ
ಲೊಕವಿಲಕ್ಷಣ ಸೂಕರಾತ್ಮ ಪಿ
ವಿನುತ ಲಕ್ಷ್ಮೀ ಕಾಂತಾ
ಗೋಕುಲ ಮಂದಿರ ಏಕಾಂತಿಗಳ ನಿ
ರಾಕರಿಸಿದೆ ಲೋಕೈಕ ಸುಖ
ಶೋಕ ರಹಿತ ನಿಜಲೋಕವಿತ್ತು ನಿ
ರಾಕುಲ ಸುಖಗಳ ತಾ ಕೊಡುವಾ 6

ದಿನಪನೊಳಗೆ ವೃಜಿನಿ ವಸು ತಾ ಎಂ
ದೆನಿಸಿ ಜಯಾಪತಿ ಪ್ರದ್ಯುಮ್ನ
ಅನಿರುದ್ಧಾದಿ ಚತುರ್ಮೂತ್ರ್ಯಾತ್ಮಕ
ತನಗೆ ತಾನೆ ಪೂಜಕ ಪೂಜ್ಯ
ಅನುಪಮ ನಾಮದಿ ಕರೆಸುತಲಿಹ ತ
ನ್ನನು ಈ ಪರಿಧೇನಿಸುತಿಪ್ಪ
ಮನುಜರಿಗೊಲಿದು ಜಗನ್ನಾಥವಿಠ್ಠಲ
ಜನನ ಮರಣಗಳ ಪರಿಹರಿಪಾ 7
*********