ಕೊಳಲನೂದುವಪರಿಯಾ ನೋಡಲೆಕಾಂತೇ ankita indiresha

 ರಾಗ -  :  ತಾಳ - 

ಕೊಳಲನೂದುವಪರಿಯಾ ನೋಡಲೆಕಾಂತೇ

ಚೆಲುವಾ ಶ್ರೀಕೃಷ್ಣಯ್ಯನನ್ನೂ ll ಪ ll

ಗೆಜ್ಜೆಕಾಲಂದಿಗೆ ಘಲುಘಲುರೆನ್ನುತಾ

ಮೂರ್ಜಗಂಗಳನೆಲ್ಲಾ ಸೋಜಿಗಗೊಳಿಸುವಾ ll ಅ ll

ಕಂಗಳ ಕುಡಿನೋಟವು l ರಂಗಯ್ಯನ

ಮುಂಗುರುಳಿನ ಸೊಬಗೂ 

ಹೊನ್ನಿನುಂಗುರವಿಟ್ಟ ಬೆರಳಿಂದ ಊದುವ l ಚೆಲುವ

ಚನ್ನಿಗ ನಮ್ಮ ಅಕ್ರೂರವರದನು ll 2 ll

ಹೊಳೆವಪೀತಾಂಬರವೂ l  ಕೌಸ್ತುಭಹಾರ ಎಡಬಲದಲ್ಲಿ

ಪೊಳೆವಾ ನಡುವಿನೊಡ್ಯಾಣವೂ l

ಥಳಥಳಿಸುತ್ತಿರುವಾ ಸುಳಿಪಲ್ಲಿನಿಂದ

ಪೊಳೆವಾ ಮುರಳೀಧರನ ನೋಡೇ ll 2 ll

ಬೃಂದಾವನದಿ ಕೊಳಲಾನೂದುವಾ ನಮ್ಮ

ಸುಂದರಮೂರುತಿಯಾ ಮಂಗಳಮಹಿಮನಾದ

ಇಂದಿರೇಶವಿಟ್ಠಲನ್ನ ಕಂಗಾ

ಳಿಂದನೋಡಿ ಆನಂದ ಪಡಿಸುವಂಥ ll 3 ll

***