ಪೊಡವಿ ಪತಿಯೇ ನಿನ್ನಾ ಅಡಿಗಳಿಗೆರಗುವೆ ankita hanumesha vittala

ಪೊಡವಿ ಪತಿಯೇ ನಿನ್ನಾ ಅಡಿಗಳಿಗೆರಗುವೆ

ಕೊಡು ಭಕ್ತಿ ನಿನ್ನೊಳು ರಾಘವಾ

ತಡೆಯಲಾರೆನೋ ಈ ಕಡುತಾಪದಿಂದೆನ್ನ

ಕಡೆಗ್ಹಾಯಿಸೆನ್ನ ಶ್ರೀ ರಾಘವಾ ಪ

ಧರಣೀಶ ನಿನ್ನ ಚರಣವೇ ಗತಿ ಎಂದು

ಸ್ಮರಿಸುತ್ತಲಿರುವೆನೋ ರಾಘವಾ

ಸ್ಥಿರ ಭಕುತಿಯ ನಿನ್ನೊಳಿರಿಸಿ ಸತ್ವರದಿಂದ

ಕರುಣಿಸಿ ಸಲಹೈಯಾ ರಾಘವಾ 1

ಪುಟ್ಟಿದುದಕೆ ನೀ ಹೊಟ್ಟೆಗೆ ಸಾಕಷ್ಟು

ಕೊಟ್ಟು ಕಾಪಾಡೊ ಶ್ರೀ ರಾಘವಾ

ಇಟ್ಟು ತವ ಸ್ಮರಣೆಯ ಕೊಟ್ಟೆನ್ನ

ಪುಷ್ಟವ ಮಾಡೋ ಶ್ರೀ ರಾಘವಾ 2

ತನು ಧನ ನೀನೆ ಜನನಿ ಜನಕನು ನೀನೆ

ವನಿತೆ ಸುತರು ನೀನೆ ರಾಘವಾ

ಹನುಮೇಶ ವಿಠಲನೆ ದಿನಗಳೆಯದೇ ತ್ವರ

ಮನದಘ ಬಿಡಿಸೋ ಶ್ರೀ ರಾಘವಾ 3

****