ಉದ್ಧರಿಸೊ ಮಹಾರಾಯ ಮಧ್ವಾಂತರ್ಗತ ankita tande vasudeva

ಉದ್ಧರಿಸೊ ಮಹಾರಾಯ ಮಧ್ವಾಂತರ್ಗತ l

ಉದ್ಧವ ಪ್ರಿಯ ll ಪ ll

ಬಿದ್ದಿಹೆ ಸಂಸಾರಾಬ್ಧಿಯೊಳಗೆ ತಾನೆದ್ದೆನೆಂದರೆ l

ಪದ್ಧತಿ ಕಾಣೆನ್ನುದ್ಧರಿಸೊ ಮಹರಾಯ ll 1 ll

ಇದ್ಧರಿಯೊಳಗೆ ಪುಟ್ಟಿದದಕಿನ್ನು ಮಧ್ವಶಾಸ್ತ್ರದಲಿ l

ಕೊಟ್ಟೆನ್ನುದ್ಧರಿಸೊ ಮಹರಾಯ ll 2 ll

ಕರ್ಮಕಾಲ ಫಲ ಊರ್ಮಿಯೊಳಗೆ ನಾ ನಿರ್ಮಲಕಾಣೆನೊ l

ಶರ್ಮವೆ ಕೊಟ್ಟೆನ್ನುದ್ಧರಿಸೊ ಮಹರಾಯ ll 3 ll

ಚಿನ್ನನ ಬಿನ್ನಪ ಮನಕೆ ತಂದು ಬನ್ನ ತರಿಪ ಪಥ l

ವನ್ನು ತೋರಿಸೆನ್ನನುದ್ಧರಿಸೊ ll 4 ll

ದಾಸನ ಬಿನ್ನಪ ಏಸು ಎನ್ನದೇ ತಂದೆವಾಸುದೇವ ಪೊರಿ l

ಈ ಸಮಯದಿ ಎನ್ನನುದ್ಧರಿಸೊ ll 5 ll

***