ಚಿಂತೆಯನು ಮಾಡದಿರು ಚದುರೆ ನಿನಗೆ ನಾನು ankita rangavittala

ರಾಗ :  ಮೋಹನ    ತಾಳ : ಝಂಪೆ 

ಚಿಂತೆಯನು ಮಾಡದಿರು ಚದುರೆ ನಿನಗೆ ನಾನು 

ಕಂತುಪಿತನನು ತೋರುವೆ                                     ।।ಪ।।

ಸಂತೊಷದಿಂದ ಸರ್ವಾಭರಣವಿಟ್ಟುಕೊಂಡು 

ನಿಂತು ಬಾಗಿಲೊಳು ನೋಡೆ ಪಾಡೆ                           ।।ಅ.ಪ।।

ಒಂದು ಕ್ಷಣ ಪಾದಾರವಿಂದ ತೊಳೆದು ಕುಡಿದು 

ಮಂದಹಾಸದಲಿ ನಲಿದು 

ಒಂದೆ ಮನದಲಿ ದಿವ್ಯಗಂಧವನು ತಂದ್ಹಚ್ಚಿ

ನಂದದಿಂದವನ ಮೆಚ್ಚಿ

ಅಂದವಾದ ಕುಸುಮಹಾರವನು ಸುಖನಿಧಿಗೆ 

ಕಂಧರದಿ ನೀಡಿ ನೋಡಿ 

ಸಂದೇಹ ಬಿಟ್ಟು ಬಿಗಿದಪ್ಪಿ ಮನವೊಂದಾಗಿ 

ಎಂದೆಂದಿಗಗಲದಿರೆನ್ನ ರನ್ನೆ                                     ।।೧।।

ಆಸನವ ಕೊಟ್ಟು ಕಮಲಾಸನನ ಪಿತಗೆ ಸವಿ 

ಯೂಟಗಳನುಣ್ಣಿಸಿ 

ಲೇಸಾಗಿ ತಾಂಬೂಲ ತಬಕದಲಿ ತಂದಿಟ್ಟು 

ವಾಸನೆಗಳನೆ ತೊಟ್ಟು 

ಸೂಸುವ ಸುಳಿಗುರುಳುಗಳ ತಿದ್ದುತಲಿ ನಕ್ಕು 

ಶ್ರಿಶನ್ನ ಮರೆಯ ಹೊಕ್ಕು 

ಆ ಸಮಯದಲಿ ನಿನಗೆ ದಾಸಿ ಎನ್ನಯ ಮನದಿ 

ವಾಸವಾಗು ಬಿಡದೆ ಎನ್ನ ರನ್ನೆ                                   ।।೨।।

ಇಂತು ಈ ಪರಿಯಲ್ಲಿ ಶ್ರೇಕಾಂತನನು ಕೂಡಿ ಏ 

ಕಾಂತದಲ್ಲಿ ರತಿಯ ಮಾಡಿ 

ಸಂತೋಷವನು ಪಡಿಸಿ ಸಕಲ ಭೋಗವ ತಿಳಿಸಿ 

ಸಂತತ ಸ್ನೇಹ ಬೆಳೆಸಿ 

ಅಂತರಂಗಕ್ಕೆ ಹಚ್ಚಿ ಅವನಾಗಿ ತಾ ಮೆಚ್ಚಿ 

ಪ್ರೀತಿಯಿಂದಧರ ಕಚ್ಚಿ 

ಕಂತುಕೇಳಿಯೊಳು ಕಡು ಚೆಲ್ವ ರಂಗವಿಠಲ 

ಇಂತು ನಿನ್ನಗಲ ಕಾಣೆ ಜಾಣೆ                                      ।।೩।।

***

Chinteyanu madadiru cadure ninage nanu

Kamtupitananu toruve ||pa||

Samtoshadinda sarvabaranavittukondu

Nimtu bagilolu node pade ||a.pa||

Ondu kshana padaravinda toledu kudidu

Mandahasadali nalidu

Onde manadali divyagandhavanu tand~hacci

Nandadindavana mecci

Andavada kusumaharavanu sukanidhige

Kandharadi nidi nodi

Sandeha bittu bigidappi manavondagi

Endendigagaladirenna ranne ||1||

Asanava kottu kamalasanana pitage savi

Yutagalanunnisi

Lesagi tambula tabakadali tandittu

Vasanegalane tottu

Susuva suligurulugala tiddutali nakku

Srisanna mareya hokku

A samayadali ninage dasi ennaya manadi

Vasavagu bidade enna ranne ||2||

Intu I pariyalli srekamtananu kudi E

Kantadalli ratiya madi

Santoshavanu padisi sakala bogava tilisi

Santata sneha belesi

Antarangakke hacci avanagi ta mecci

Pritiyindadhara kacci

Kantukeliyolu kadu celva rangavithala

Intu ninnagala kane jane ||3||

***