ವಿಟ್ಠಲಾ ಕಳೆವುದವಿದ್ಯಾ ಪಟಲಾ ankita gurugovinda vittala

 

ರಾಗ - : ತಾಳ -

ವಿಟ್ಠಲಾ ಕಳೆವುದವಿದ್ಯಾ ಪಟಲಾ l

ನಿಟಿಲಾಕ್ಷನ ಸಖ ಸಂ l ಕಟ ಕಳೆ ನಿಷ್ಕುಟಿಲನ ಮಾಡುತ ll ಪ ll

ತುರಗ ಗ್ರೀವಾಭಿಧನೆಂಬಸುರಾ l ವೇದಾಪಹಾರ 

ನೆರವೇರಿಸೆ ಸ್ವೀಕರಿಸ್ಯವತಾರಾ l ಹಯಮುಖನಾಕಾರ l

ಅರಿಶಿರ ಸರಸದಿ ಕತ್ತರಿಸುತ ನೀ

ಸುರರುಗಳನು ಬಹು ಪರಿಪೋಷಿಸಿದೈ ll 1 ll

ಧರೆಯನಪಹರಿಸಲು ಸುರವೈರೀ l ವರಹಾವತಾರಿ 

ತ್ವರದಿ ಹಿರಣ್ಯಾಕ್ಷನ ಸಂಹಾರೀ l ನೀನಾದೆ ಮುರಾರಿ l

ಧರಣಿಯ ಕೋರೆಯ ದಾಡಿಯಲೆತ್ತುತ 

ಸುರ ಜೇಷ್ಠಗೆ ತಂದೊಪ್ಪಿಸಿದೈಯ್ಯ ll 2 ll

ತುರಗವ ನೀನೇರುತ ಬಂದೂ l ನಿನ ಪುರದೋಳಂದು 

ಇರೆ ಧೇನೂ ಪಾಲಾರ್ಯರು ಅಂದು l ನೋಡಿ ಚಕಿತರಂದೂ 

ಗುರುಗೋವಿಂದವಿಟ್ಠಲಾ ಲೇನಾಹಿ ಎಂದು 

ಒರೆದೋಡಿದೆ ನೀ ದರುಶನ ಕೊಡದೇ ll 3 ll

***