ಮರೆಯುವರೆ ಮರೆಯುವರೆ ರಾಮರಾಯಾ ankita shyamasundara

 ..

ಮರೆಯುವರೆ ಮರೆಯುವರೆ ರಾಮರಾಯಾ |

ಗುರುಗಳಾರಾಧನೆಗೆ | ಶಿರಿವಾರದೊಡೆಯಾ ||

ಪರಿವಾರ ಸಹಿತಾಗಿ ತೆರಳುವದು ನಿಶ್ಚಯಿಸಿ

ಬರೆವದಕೆ ಕಾಗದವು ಸಿಗದ್ಹೋಯಿತೆ | ಭರದಿ

ಬರಬೇಕೆಂದು | ಕರೆಕಳುಹದಕೆನ್ನ | ಚರನೋರ್ವ

ನಾದರು ದೊರೆಯದಾದನೆ ಅಕಟ 1

ಕ್ರೋಧ ವಿರಹಿತರಾದ ಸಾಧುವರ್ಯರ ಸಮಾರಾಧ |

ನೆಗೆ ನಾ ಭಾರವಾದೆನೇನೈ | ಆದರವು ತಗ್ಗಿತೇ |

ಅಭಿಮಾನ ಕುಗ್ಗಿತೇ | ಭೇದವರಿಯದ

ಯುಗ್ಮಪಾದಪಶುವಾದಿನೇ 2

ಗುರುಕರುಣವೆಗ್ಗಳದ ಗರುವಿಕೆಯೋ

ಕಾರ್ಪರ ನರಸಿಂಹರರ್ಚಕರಮೋಕ್ಷ ಬಲವೋ

ಪರಮ ಸತ್ಪುರುಷರುಪದೇಶ ಶ್ರವಣದ

ಮದವೋ | ಹರಿಕಥಾ ಪಾನದ ಹಂಕಾರವೋ 3

ಇರಬೇಕು ಸರ್ವದಾ ಸಕಲರಲಿ ಸಮದೃಷ್ಟಿ

ಹಿರಿಯರಾದವರಲ್ಲಿ ಏಕನಿಷ್ಟಿ | ನಿರುತದಲ್ಲಿ ಸದ್ಗೋಷ್ಟಿ

ಪರನಾಗಿ ಮನಮುಟ್ಟಿ ಹರಿಪಾದಸ್ಮರಿಪರಿಗೆ ಕೈವಲ್ಯಷಟ್ಟಿ 4

ಶ್ರೀ ಶಾಮಸುಂದರನ ದಾಸಕೂಟಸ್ಥರೊಳು ನಾ

ಸಲ್ಲದವನೆಂದು ಧೃಡವಾಯಿತೇ | ಭೂಸುರವೇಷದಲಿ

ಬೇಸರಿಕೆ ಕೊಡುವಂಥ ಆಶೆ ಬುರುಕನು

ಎಂದು ಉದಾಸೀನ ಮಾಡಿನ್ನು 5

***