ವೆಂಕಟೇಶ ತೋರೊ ಪಾದ ಪಂಕಜವನು ankita rangesha vittala

 ರಾಗ -  :  ತಾಳ -

ವೆಂಕಟೇಶ ತೋರೊ ಪಾದ ಪಂಕಜವನು ll ಪ ll

ಮಂಕುಮತಿಯ ಬಿಡಿಸಿ ನಿನ್ನ ಕಿಂಕರನೆಂದೆನಿಸೊ ll ಅ ಪ ll

ಕಲಿಯುಗದೊಳು ನೀನು ಸಕಲ ಸುಜನರ

ಕಲುಷ ಕಳೆಯುವೆನೆಂದು ಬಹುಮೋದದಿಂದ

ಎಲರುಣಿ ಪರುವತದೊಳಗೆ ವಾಸನಾಗಿ

ಒಲಿದು ಪದುಮಾವತಿಯ ಕರ ಪಿಡಿದಂಥ ll 1 ll

ತೆತ್ತೀಸಕೋಟಿ ದೇವತೆಗಳು ತನ್ನ

ಸುತ್ತಲು ನಿಂತು ಪರಿಚಯವನು ಮಾಡೆ

ಎತ್ತ ನೋಡಲು ಸಿರಿಯು ಓ ಎನುತಿರೆ

ಚಿತ್ತಜನೈಯ್ಯನು ನಗುತ ನಿಂದಿರುವಂಥ ll 2 ll

ಭುವನತ್ರಯಂಗಳನೆಲ್ಲ ಲೀಲೆಯಿಂ

ಕಾವ

ಪವನವಂದಿತನೆ ಮಹಾನುಭಾವ

ನವ ಮೋಹನಾಂಗ ಶ್ರೀ ರಂಗೇಶವಿಟ್ಠಲ

ಜವನ ಬಾಧೆಯ ಬಿಡಿಸಯ್ಯಾ ಶ್ರೀಲೋಲ ll 3 ll

***