ಹರಷದಿ ತಾ ಸಖಿ ತ್ವರದಿ ಆರುತಿಯ ankita karpara narahari

ಹರಷದಿ ತಾ ಸಖಿ ತ್ವರದಿ ಆರುತಿಯ

ದ್ವಿರದ ವರದ ಶಿರಿನರಹರಿಗೆ ಪ

ನಿಗಮ ತಂದವಗೆ ನಗಧರ ಕ್ರೋಢಗೆ

ಮಗುವಿನ ಸಲಹಿ ಜಗವ್ಯಾಪಿಸಿದಗೆ

ಭೃಗುಜಾ, ರಘುಜಾ ವ್ರಜಜಾರ್ತಿ

ಹರಣ ವಿಗತವಸನ ತುರುಗನೇರಿದಗೆ 1

ಗರುಡ ಗಮನಗೆ ಶರಧಿಶಯನಗೆ

ಸುರನದಿ ಪಿತ ಭೂಸುರ ಪ್ರಿಯಗೆ

ಅರುಣಾ, ಚರಣಾ ಕರುಣಾಕರಮಂ-

ದರಧರ ಶರಣರ ಪೊರೆವ ಸಿರಿವರಗೆ 2

ಛಳಿಮಳೆ ಸಹಿಸುತ ಛಲದಲಿಧೇನಿಪ

ಬಲುವಿಧ ಭಕ್ತಾವಳಿ ಹೃನ್ಮಧ್ಯದಿ

ಪೊಳೆವಾ, ನಲಿವಾ ಕಳೆವಾಘವ ಭೂ-

ವಲಯದಿ ಕಾರ್ಪರ ನಿಲಯ ನರಹರಿಗೆ 3

****