ಅಷ್ಟಮೀ ಗೌರೀ ಪೂಜೆ ಮಾಡಿದಳು traditional ele ashtami gowri ASHTAMI GOWRI PUJE MAADIDALU SAMPRADAYA

 

ele ashtami gowri haadu

ಅಷ್ಟಮೀ ಗೌರೀ ಪೂಜೆ ಮಾಡಿದಳು||

ಸುಭದ್ರೆ ಅಚ್ಚಮುತ್ತಿನ ಆರತಿಯನ್ನೆತ್ತಿದಳು||ಪ||

ಅಚ್ಯುತಾನ ಆಜ್ಞೆಯಿಂದ ಅತಿ ಭಕ್ತಿಯಿಂದ

ಮುತ್ತೈದೆತನ ಕೊಡುವ ಪುತ್ರ-ಪೌತ್ರ ಭಾಗ್ಯ ನೀಡುವ||ಅ.ಪ||

ಇಂದ್ರನಂದನನ ಸತಿಯಳು ಸುಭದ್ರೆ

ಮಿಂದುಮಡಿಯನ್ನುಟ್ಟು ಬಂದಳು

ಗಂಧ ಕುಂಕುಮ ಪರಿಮಳ ವಸ್ತ್ರ

ಚಂದವಾದ ಧೂಪ ದೀಪ ದುಂಡು ಮಲ್ಲಿಗೆ

ಗೌರಿಗೆ ಮುಡಿಸಿ ಮಂಗಳಾರತಿ ಎತ್ತಿದಳು||1||

ಭಗಿನಿ ಕೇಳೇ ಭಾವಶುದ್ಧದಿ ಭಾದ್ರಪದ ಶುದ್ಧ

ಅಷ್ಟಮೀ ಗೌರೀ ಕಥೆಯನು

ಹಿರಿಯ ಹೆಂಡತಿ ಪುರದ ಹೊರಗೆ ಇಟ್ಟಿರಲು

ಶಿರಿಯ ದೇವಿಯ ದಾರ ಕಟ್ಟಿ ದೊರೆಗೆ

ಒಲಿದು ಶಿರಿಯು ಬಂತು||2||

ಶತ್ರುಗಳನೇ ಜಯಿಸಿ ಬರುವರು ಪಾಂಡವರು

ಅಪಮೃತ್ಯು ಬರಲು ಅಂಜಿ ಓಡಲು

ಪಾಂಚಾಲಿ ಸಹಿತ ದೊರೆಗಳು ವನದೊಳಗೆ

ಅಜ್ಞಾತವಾಸ ಗೆದ್ದು ಬರುವ ಪರಿಯ ಕೇಳ್ಯಾಳು||3||

ಶಂಕರಗಂಡನ ಕಥೆಯ ಕೇಳಿ ಕಂಕಣ ಕೈಗೆ ದಾರ ಕಟ್ಟಿ

ಪಂಕಜೋದರನ ರಾಣಿ ಶಂಕೆ ಇಲ್ಲದೆ ವರವ ಕೊಡುವಳು

ಪಂಚಭಕ್ಷ್ಯ ಪಾಯಸ ಘೃತಗಳು ಮುಂಚೆ

ಲಕ್ಷ್ಮೀದೇವಿಗೆ ಎಡೆಮಾಡಿ ಬಡಿಸುವಳು||4||

***

aShTamI gaurI pUje mADidaLu

suBadre accamuttina AratiyannettidaLu||pa||

acyutAna Aj~jeyinda ati Baktiyinda

muttaidetana koDuva putra-pautra BAgya nIDuva|| a.pa||

indranandanana satiyaLu suBadre

mindumaDiyannuTTu bandaLu

gandha kuMkuma parimaLa vastra

candavAda dhUpa dIpa dunDu mallige

gaurige muDisi maMgaLArati ettidaLu||1||

Bagini kELE BAvaSuddhadi BAdrapada Suddha

aShTamI gaurI katheyanu

hiriya henDati purada horage iTTiralu

Siriya dEviya dAra kaTTi dorege

olidu Siriyu baMtu||2||

SatrugaLanE jayisi baruvaru pAnDavaru

apamRutyu baralu anji ODalu

pAncAli sahita doregaLu vanadoLage

aj~jAtavAsa geddu baruva pariya kELyALu||3||

SankaraganDana katheya kELi kankaNa kaige dAra kaTTi

pankajOdarana rANi Sanke illade varava koDuvaLu

pancaBakShya pAyasa GRutagaLu munce

lakShmIdEvige eDemADi baDisuvaLu||4||

***