ಓಗೊಡುತ ಉತ್ತುಂಗ ಸಾಧನೆಯ ಕರೆಗೆ others OGODUTA UTTUNGA SADHANEYA KAREGE rss

 rss song

ಓಗೊಡುತ ಉತ್ತುಂಗ ಸಾಧನೆಯ ಕರೆಗೆ

ನಡೆದಿಹರು ಸಾಸಿರದ ಸಾಧಕರು ಇಲ್ಲಿ 

ಸಂಘಶಕ್ತಿಯ ಭವ್ಯ ಸಾಗರದ ಕಡೆಗೆ

ಹರಿದಿಹರು ಸಾವಿರದ ಸರಿತೆಯರು ಇಲ್ಲಿ ।ಪ।

ಹನಿಹನಿಯ ಝರಿಯಾಗಿ ತೊರೆಯಾಗಿ ನದಿಯಾಗಿ 

ಜಲಧಿರೂಪವ ತಳೆವ ರಮ್ಯನೋಟ

ಅಣುಅಣುವು ಒಂದಾಗಿ ಶಕ್ತಿಪರ್ವತವಾಗಿ 

ಐಕ್ಯತೆಗೆ ಲಭಿಸಿಹುದು ಅಗ್ರಪೀಠ  ೧

ಅಡಿಗಡಿಗೆ ನಡುಗಿಸಿದ ಕೇಡುಗಳ ಸೇಡುಗಳ

ಜಾಡಝಾಡಿಸಿ ನಾಡಗುಡಿಯ ಕಟ್ಟಿ 

ರೂಢಿಯೊಳಗೂಡಿರುವ ಮೌಢ್ಯವನು ಸದೆಬಡಿದು

ನಡೆದಿಹರು ಸಾಹಸದ ಪಡೆಯ ಕಟ್ಟಿ  ೨

ಬೆಟ್ಟದೆತ್ತರ ಬೆಳೆದ ಸುತ್ತಲಿನ ಕತ್ತಲಿನ 

ಹುತ್ತಗಳ ಕತ್ತುಗಳ ಕತ್ತರಿಸುತಾ 

ದಿಟ್ಟತನ ಗಟ್ಟಿತನ ಮೆರೆದಿಹರು ಜಟ್ಟಿಗಳು 

ದಿಕ್ತಟದಿ ಹೊಂಬೆಳಕ ಬಿತ್ತರಿಸುತಾ  ೩

***

Ogōḍuta uttunga sādhaneya karege 

naḍediharu sāsirada sādhakaru illi 

sanghaśaktiya Bavya sāgarada kaḍege 

haridiharu sāvirada sariteyaru illi. |pa|

hanihaniya jhariyāgi toreyāgi nadiyāgi 

jaladhirūpava taḷeva ramyānōṭa 

aṇuaṇuvu ondāgi śaktiparvatavāgi 

aikyatege laBisiHudu agrapīṭha |1|

aḍigaḍige naḍugisida kēḍugaḷa sēḍugaḷa 

jāḍajhāḍisi nāḍaguḍiya kaṭṭi 

rūḍiyoḷagūḍiruva mauḍhyavanu sadebaḍidu 

naḍediharu sāhasada paḍeya kaṭṭi |2|

beṭṭadettara beleda suttalina kattalina 

huttagaḷa kattugaḷa kattarisutā 

diṭṭatana gaṭṭitana merediharu jaṭṭigaḷu 

diktatadi hombeḷaka bittarisutā |3|

***