ಮಂಗಳಗುರು ರಾಘವೇಂದ್ರನಿಗೆ ಮಂಗಳ ಸುಖಪೂರ್ಣ ಚಂದ್ರನಿಗೆ ankita seetarama vittala

 ರಾಗ: ಸುರಟಿ ತಾಳ: ಛಾಪು

ಮಂಗಳ ಗುರು ರಾಘವೇಂದ್ರನಿಗೆ

ಮಂಗಳ ಸುಖಪೂರ್ಣ ಚಂದ್ರನಿಗೆ ಪ

ನಂಬಿಕೆ ಛಲವನು ಪ್ರಕಟಿಸುತ

ಕಂಭದಿ ನರಹರಿ ಕರೆದವಗೆ

ಕಂಬನಿಗರೆವರ ಕಾಯುವಗೆ ಭಕ್ತಿ

ಒಂಬತ್ತುವಿಧಬಲ್ಲ ನಿಪುಣನಿಗೆ 1

ಮೋದದಿ ನರಹರಿ ಬಾರೆಂದು ಕರೆಯೆ

ಮೋದದ ತಾಣಕೆ ಹೋಗದಲೆ

ಮೋದವಗರೆಯಲು ಸುಜನರಿಗೆಲ್ಲ

ತಾ ದಯದಿ ಇಲ್ಲೆ ನಿಂದವಗೆ 2

ಸೀತಾರಾಮವಿಠಲದೇವಗೆ

ಪ್ರೀತಿಯ ದೂತನಾದವಗೆ

ಖ್ಯಾತ ಶ್ರೀತುಂಗೆಯತಟದಲ್ಲಿ ತಾ ನಿಂದು

ದೂತರ ಸಲಹುತಲಿರುವವಗೆ 3

****