ಪಾಲಿಸೆನ್ನ ವೇಲಾಪುರ ಚೆನ್ನ ankita narahari P

..

kruti by pradyumna teertha ಪ್ರದ್ಯುಮ್ನತೀರ್ಥರು

ಪಾಲಿಸೆನ್ನ ವೇಲಾಪುರ ಚೆನ್ನ ಪ

ಪಾಲಿಸು ಕರುಣಾ ನಿಲಯನೆಂದು ನಾ

ಕೇಳಿ ಬಂದೆ ಬಹು ಸುಂದರಕಾಯ ಅ.ಪ

ಪರಮ ಶಂಖ ಅರಿ ಮುದದಿ ಗದಾಧರ

ಪದಪದುಮದಿ ಮನ ಒದಗಿಸಿ ಬೇಗ 1

ಪೀತಾಂಬರ ಶ್ರೀವತ್ಸ ಕೌಸ್ತುಭದಿ

ಅತಿಶೋಭಿಪನೀ ಸ್ತುತಿಗೊಲಿಯುತಲಿ 2

ಚನ್ನಕೇಶವ ಬಿನ್ನೈಸುವೆನೋ

ಬೆನ್ನ ಬಿಡದಲಿ ಮನ್ನಿಸಿ ತ್ವರದಿ 3

ಕಂದನ ಕುಂದುಗಳೊಂದೆಣಿಸಲೆ

ಬಂದು ಚಿಂತನಕೆ ಇಂದಿರೆರಮಣ 4

ಮೀನಕೇತುಪಿತ ಶ್ರೀ ನರಹರಿಯೆ

ಜ್ಞಾನ ಭಕುತಿಯಿತ್ತು ಮೌನದಿಂದ ನೀ5

***