ಬಂದು ನಿಲ್ಲೇ ಎನ್ನ ಮಂದಿರದಲ್ಲೇ ಕೊಲ್ಲಾಪುರ ನಿಲಯೇ ankita kalimardhanakrishna

ಬಂದು ನಿಲ್ಲೇ ಎನ್ನ ಮಂದಿರದಲ್ಲೇ ಕೊಲ್ಲಾಪುರ ನಿಲಯೇ ಪ.

ಬಂದು ನಿಲ್ಲೇ ಎನ್ನ ಮನಮಂದಿರದಲ್ಲಿ

ಇಂದಿರಲಾರೆನು ಮುಂದರಿಯೇ ಇಂದಿನ ದಿನ ಅ.ಪ.

ನವಮೋಹನಾಂಗಿಯೇ ನೀನು ನೀಲಾಂಬರವನುಟ್ಟು

ಜರತಾರಂಚಿನ ಕುಪ್ಪಸ ಬಿಗಿದು ತೊಟ್ಟು

ಪಾದಕೊಪ್ಪುವ ಪೈಜಣ ಋಳಿ ಕಾಲುಂಗರವಿಟ್ಟು

ಲಲಾಟದ ಕುಂಕುಮ ಬಟ್ಟು 1

ಕರದಲಿ ಕಂಕಣ ಬೆರಳಲಿ ಉಂಗುರ

ನಿಮ್ಮ ಮುಖದಿ ಸೂರ್ಯನ ಕಿರಣ

ನಾನಾಲಂಕೃತ ಭರಣ

ದೇವಿ ನಾ ಮಾಡುವೆ ಶರಣು 2

ನಿನ್ನ ಹೊರತಿನ್ನು ಜಗದೊಳಗೆ ಅನ್ಯರ ಕಾಣೆನೊ

ನಿರುತ ನಂಬಿದೆ ನೀಲವೇಣಿ

ಪಂಕಜಪಾಣಿ

ಕಾಳೀಮರ್ಧನಕೃಷ್ಣನ ರಾಣಿ3

*****