ಶೇಷಾಂಶ ಪ್ರಹ್ಲಾದರಾಯಾ ಎನ್ನ ದೋಷ ankita gurujagannatha vittala SHESHAAMSHA PRAHLAADARAAYA ENNA DOSHA

ಶೇಷಾಂಶ ಪ್ರಹ್ಲಾದರಾಯಾ ಎನ್ನ

ದೋಷ ಎಣಿಸದೆ ಕಾಯೊ ಜೀಯಾ ಪ

ಕಂಡ ಕಂಡವರ ಭಜಿಸೀ -ಬೇಡಿ

ಬೆಂಡಾದೆ ನಿನ್ನಂಘ್ರಿ ತ್ಯಜಿಸೀ

ತೋಂಡವತ್ಸಲ ಕರುಣೆ ಸಲಿಸೀ ಪಾದ

ಪುಂಡರೀಕ್ಯನ್ನೊಳಗೆ ಇರಿಸಿಕಾಯೋ 1

ಮಾqಬಾರದ ಕೃತ್ಯವಾ - ನಾ ಬಲು

ಮಾಡಿದೆ ಗೃಹ ಕೃತ್ಯವಾ

ಬೇಡದಕಿ ಭೃತ್ಯತ್ವವಾ - ಈ ದೋಷ

ನೋಡದಲೆ ಭಕ್ತತ್ವವಾ ನೀಡೊ 2

ದೀನ ಜನಪಾಲ ನಿನ್ನಾ - ರೂಪ

ಧೇನಿಸದೆ ಮಾನಿನಿಯರನ್ನಾ

ಧ್ಯಾನ ಮಾಡಿದೆ ಬಿಡದೆ ಘನ್ನಾ - ಗತಿ

ಎನು ಪೇಳಯ್ಯಾ ಎನಗೆ ಮುನ್ನಾ ಸ್ವಾಮಿ 3

ಗುರುರಾಘವೇಂದ್ರರಾಯ - ಎನ್ನ

ಕರದು ಕೈಪಿಡಿಯೊ ಮಹರಾಯ

ತರಿಯೊ ಪಾತಕವೆನ್ನ ಜೀಯಾ

ಶರಣು ಪೊಕ್ಕೆನೊ ನಿನಗೆ ನಾನಯ್ಯಾ ಕರುಣೀ 4

ಮಾತ ಪಿತ ಭ್ರಾತ್ರÀ ಬಂಧೂ - ಎನಗೆ

ನೀತಗತಿಕುಲ ಗೋತ್ರವೆಂದೂ

ದಾತ ನಿನ್ನ ದೂತನೆಂದೂ - ಬಂದ -

ನಾಥನನು ನೀ ಕಾಯುವುದು ಪ್ರಭುವೇ 5

ಕರುಣಸಾಗರನೆ ಈಗ - ತವರೂಪ

ಸ್ಮರಣೆ ನೀಡೆನಗೆ ಬ್ಯಾಗಾ

ಶರಣು ಪೊಕ್ಕವನ ವೇಗಾ - ಭವ -

ಅರಣ ದಾಟಿಸುವಂಥ ಯೋಗಾ ಪೇಳಿ 6

ಹೋಗುತಿದೆ ಹೊತ್ತು ಪದುಮಾಕ್ಷ -ಹ್ಯಾಗೆ

ಆಗುವದೊ ನಿನ್ನ ಅಪರೋಕ್ಷ

ಬಾಗಿ ಬೇಡುವೆ ಕಲ್ಪವೃಕ್ಷ ಸುರಧೇನೊ

ಜಾಗುಮಾಡದೆ ಸಲಿಸ್ಯನ್ನಪೇಕ್ಷಾ ಸ್ವಾಮಿ 7

ಧೀರ ಗುರುರಾಜ ಕೇಳೋ ಎನ್ನ

ಪಾರ ದೋಷಗಳನ್ನೆ ತಾಳೋ

ಘೋರ ಅಙÁ್ಞನ ಕೀಳೋ - ಪರಲೋಕ

ಸೇರಿಸೆನ್ನನು ಕೃಪಾಳೋ ಸ್ವಾಮಿ 8

ಎಷ್ಟು ಪೇಳಲಿ ಎನ್ನ ತಾತಾ - ಕೃಪಾ -

ದೃಷ್ಟಿಯಲಿ ನೋಡು ನಾನಿನ್ನ ಪೋತಾ

ಧಿಟ್ಟ ನೀ ಗುರು ಜಗನ್ನಾಥಾ - ವಿಠಲನ

ನಿನ್ನೊಳಗೆ ತೋರೋ ದಾತಾ ಖ್ಯಾತಾ 9

***